இந்தியாவின் டி20 உலகக் கிண்ண அணியில் முக்கிய பங்கு வகித்த ரிங்கு சிங், தனது தந்தையின் உடல்நிலை காரணமாக அவசரமாக இந்தியாவிற்கு திரும்பியுள்ளார்.அவரது தந்தை கல்லீரல் புற்றுநோயால் பாதிக்கப்பட்டுள்ளதாக தகவல்கள் தெரிவிக்கின்றன. சூப்பர் 8 சுற்றில் ஜிம்பாப்வே அணிக்கெதிராக நடைபெறவுள்ள முக்கியப் போட்டியை முன்னிட்டு, இந்த விலகல் இந்திய அணிக்கு சவாலாக அமைந்துள்ளது.
ரிங்கு சிங் தனது அதிரடி ஆட்டத்தால், குறிப்பாக இறுதி ஓவர்களில் வேகமாக ஓட்டங்கள் சேர்க்கும் திறமையால், அணிக்கு வலுவான ஆதரவாக இருந்து வந்தார். நடுப்பகுதி துடுப்பாட்டத்தில் அவர் முக்கியமான வீரராக கருதப்பட்டார்.அவரது திடீர் விலகல் அணியின் சமநிலையை பாதிக்கக்கூடியதாக இருந்தாலும், இந்திய அணியின் மேலாண்மை அவரது குடும்ப நிலையை கருத்தில் கொண்டு முழுமையான ஆதரவை வழங்கியுள்ளது.
ரிங்கு சிங்கின் தந்தை விரைவில் குணமடைய வேண்டும் என ரசிகர்கள் சமூக ஊடகங்களில் வாழ்த்துகளைத் தெரிவித்து வருகின்றனர்.
அதேவேளை, ஜிம்பாப்வே அணிக்கெதிரான போட்டியில் இந்திய அணி தமது திறமையால் வெற்றி பெறும் என எதிர்பார்க்கப்படுகிறது.
