இந்திய அணியின் நட்சத்திர சகலதுறை வீரர் ஹர்திக் பாண்டியா, தனது முன்னாள் மனைவி நடாசா ஸ்டான்கோவிச் மற்றும் மகன் அகஸ்தியாவிற்கு சுமார் ரூ.4 கோடி மதிப்பிலான சொகுசு விளையாட்டு பயன்பாட்டு வாகனத்தை அன்பளிப்பாக வழங்கியுள்ளார்.
மும்பையில் உள்ள வாகன விற்பனை நிலையத்தில், அந்த வாகனத்தை நடாசா மற்றும் அவரது மகன் பெற்றுக்கொள்ளும் புகைப்படங்களும் காணொளிகளும் சமூக வலைத்தளங்களில் பரவலாகப் பகிரப்பட்டு வருகின்றன.
வாகனத்தின் பின்புறத்தில் “தந்தையிடமிருந்து அகஸ்தியாவிற்கு ஒரு பரிசு” என்ற வாசகம் இடம்பெற்றிருந்ததாக தெரிவிக்கப்படுகிறது.ஹர்திக் பாண்டியாவும் நடாசா ஸ்டான்கோவிச்சும் நீண்ட காலமாக காதலித்து வந்த நிலையில், 2020ஆம் ஆண்டு திருமணம் செய்து கொண்டனர். பின்னர் 2024ஆம் ஆண்டு இருவரும் பிரிந்தனர். இருப்பினும், தங்களது மகனை இருவரும் மாறிமாறி கவனித்து வருகின்றனர் என கூறப்படுகிறது.
விவாகரத்திற்குப் பின்னர், மாடல் துறையைச் சேர்ந்த மஹிகா ஷர்மா உடன் ஹர்திக் காதலில் இருப்பதாக தகவல்கள் வெளியாகியுள்ளன. சமீபத்தில் அவரது பிறந்தநாள் கொண்டாட்டத்திலும் ஹர்திக் கலந்து கொண்டதாக சமூக வலைத்தளங்களில் செய்திகள் பரவியுள்ளன.
இந்நிலையில், தற்போது நடைபெற்று வரும் இருபது ஓவர் உலகக் கிண்ண கிரிக்கெட் தொடரில் ஹர்திக் சிறப்பாக விளையாடி வருகிறார். இதுவரை விளையாடிய நான்கு போட்டிகளில் 87 ஓட்டங்களும் 5 விக்கெட்டுகளும் கைப்பற்றி அணியின் முக்கிய வீரராகத் திகழ்ந்து வருகிறார்.
