ஆசிய கிரிக்கெட் கவுன்சிலின் ரைசிங் ஸ்டார்ஸ் மகளிர் ஆசிய கிண்ண கிரிக்கெட் போட்டி பேங்கொக்கில் நடைபெற்றது. இதன் இறுதிப் போட்டியில் நடப்பு சம்பியனான இந்தியா ‘A’ அணி மற்றும் பங்களாதேஷ் ‘A’ அணி மோதின.முதலில் துடுப்பாடிய இந்தியா ‘A’ அணி 20 ஓவர்களில் 7 விக்கெட்கள் இழப்புக்கு 134 ஓட்டங்கள் பெற்றது.
அதிகபட்சமாக தேஜல் ஹசாப்னிஸ் 34 பந்துகளில் 2 சிக்ஸர்கள், 3 பவுண்டரிகளுடன் 51 ஓட்டங்கள் எடுத்தார். கேப்டன் ராதா யாதவ் 30 பந்துகளில் ஒரு சிக்ஸர், 3 பவுண்டரிகளுடன் 36 ஓட்டங்கள் சேர்த்தார்.பங்களாதேஷ் ‘A’ அணியின் பந்து வீச்சில் ஃபஹிமா கதுன் 4 விக்கெட்கள் கைப்பற்றினார்.
135 ஓட்டங்கள் என்ற இலக்கை நோக்கி துடுப்பாடிய பங்களாதேஷ் ‘A’ அணி 19.1 ஓவர்களில் 88 ஓட்டங்களுக்கு ஆட்டமிழந்தது. அணியின் சார்பில் ஷாமினா சுல்தானா 20 ஓட்டங்களும்சர்மின் சுல்தானா 18 ஓட்டங்களும், ஃபஹிமா கதுன் 14 ஓட்டங்களும் எடுத்தனர்.
இந்தியா ‘A’ அணியின் பந்து வீச்சில் பிரேமா ராவத் 3 விக்கெட்கள் வீழ்த்தினார்.
சோனியா மெந்தியா மற்றும் தனுஜா கன்வர் தலா 2 விக்கெட்கள் கைப்பற்றினர்.இறுதியில் 46 ஓட்டங்கள் வித்தியாசத்தில் வெற்றி பெற்ற இந்தியா ‘A’ அணி, தொடர்ச்சியாக இரண்டாவது முறையாக கோப்பையை வென்று சம்பியன் பட்டத்தை தக்கவைத்துக் கொண்டது.
