அகில இலங்கை பாடசாலை கிரிக்கெட் சங்கத்தினால் நடத்தப்படும் பிரிவு மூன்றுக்கான ஒருநாள் போட்டியில் மட்டக்களப்பு புனித மிக்கேல் தேசிய பாடசாலை அணிக்கு எதிராக துறைநீலாவணை மகாவித்தியாலய அணி வெற்றியீட்டியது.
காத்தான்குடி மத்திய கல்லூரி மைதானத்தில் நேற்று முன்தினம் (28) நடைபெற்ற இந்தப் போட்டியில் முதலில் துடுப்பெடுத்தாடிய புனித மிக்கேல் அணி 37.4 ஓவர்களில் சகல விக்கெட்டுகளையும் இழந்து 162 ஓட்டங்களை பெற்றது.
பதிலெடுத்தாடிய துறைநீலாவணை மகாவித்தியாலயம் 23.5 ஓவர்களில் வெற்றி இலக்கை எட்டியது. இலட்சுமணன் திஷானன் 65 பந்துகளில் 105 ஓட்டங்களைப் பெற்றமை குறிப்பிடத்தக்கது. இரண்டு ஆண்டுகளுக்கு முன்னர் துறைநீலாவணை மகாவித்தியாலய கடினப் பந்து கிரிக்கெட் அணி உருவாக்கப்பட்ட நிலையிலேயே இந்த வெற்றியை பெற்றுள்ளது.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
