தியாகிகளின் வரலாறு தமிழினத்தின் உரிமை உணர்வுக்கு ஒளிவிளக்கு! – தமிழக முதல்வர் விஜய் தெரிவிப்பு

மொழிவாரி மாநிலங்கள் பிரிக்கப்பட்டுத் தமிழ்நாடு மாநிலம் உருவான நவம்பர் 1 ஆம் திகதியை முன்னிட்டு, தமிழக மக்கள் அனைவருக்கும் தமிழக முதல்வர் விஜய் தனது வரலாற்றுச் சிறப்புமிக்க ‘தமிழ்நாடு நாள்’ வாழ்த்துகளைத் தெரிவித்துள்ளார்.

தமிழ்நாடு உருவாக்கப்பட்ட 1956 ஆம் ஆண்டு நவம்பர் 1 ஆம் திகதியைப் பெருமைப்படுத்தும் வகையில் ஆண்டுதோறும் இந்தத் தினம் கொண்டாடப்பட்டு வரும் நிலையில், முதல்வர் தனது உத்தியோகபூர்வ ‘எக்ஸ்’ சமூக வலைத்தளப் பக்கத்தில் விசேட வாழ்த்துச் செய்தியொன்றைப் பதிவிட்டுள்ளார்.

முதல்வர் விஜய் வெளியிட்டுள்ள வாழ்த்துச் செய்தியில் குறிப்பிடப்பட்டுள்ளதாவது:-

“மொழிவாரி மாநிலங்கள் பிரிக்கப்பட்டு, தமிழ்நாடு மாநிலம் உருவான இந்நன்னாளில், நம் தமிழகத்தின் தனிப்பெருமைகளையும் வரலாற்றுச் சிறப்புகளையும் போற்றி மகிழ்வதோடு, அனைவருக்கும் எனது மனமார்ந்த தமிழ்நாடு நாள் நல்வாழ்த்துகளைத் தெரிவித்துக்கொள்கின்றேன்.

தாய்மொழியாம் தமிழைக் காக்கவும், தமிழர் வாழும் எல்லைப் பகுதிகளைத் தமிழ்நாட்டுடன் இணைக்கவும் அரும்பாடுபட்ட தியாகிகளின் வரலாறு, தமிழினத்தின் உரிமை உணர்வுக்கும் வரலாற்று ஒற்றுமைக்கும் என்றென்றும் ஒளிவிளக்காகவும் வழிகாட்டியாகவும் திகழும்.

வரலாற்றுச் சிறப்புமிக்க இந்நன்னாளில், அன்னைத் தமிழுக்கு நாளும் புகழ் சேர்த்து, தமிழர்களின் கலை, பண்பாடு மற்றும் பாரம்பரியத்தைப் பேணிக் காத்து, நமது மாநிலத்தின் பெருமைகளை உலகரங்கில் தொடர்ந்து நிலைநிறுத்திட நாம் அனைவரும் ஒன்றுபட்டு உறுதியேற்போம்!” – என்று குறிப்பிட்டுள்ளார்.