தேர்தல் முடிவால் நடிகர் ரஜினிகாந்த் வருத்தப்பட்டார் என்று நாம் தமிழர் கட்சி ஒருங்கிணைப்பாளர் சீமான் தெரிவித்துள்ளார்.
மேலும், “தனக்கு ஒரு குறை என்னவென்றால், நீண்ட காலமாக கூண்டுக்குள் இருக்கிறேன். ஒரு தடவை கூரை மேலே ஏறிவிட்டேன் என்றால் என்னுடைய குரலை நிராகரிக்க முடியாது..” எனவும் கூறினார்.
தமிழ்நாட்டில் உள்ள தனியார் தொலைக்காட்சி ஒன்றிற்கு நேர்காணல் ஒன்றை வழங்கிய சீமான், சட்டமன்ற தேர்தல் முடிவால் ரஜினி வருத்தப்பட்டதாகவும், நீங்களாவது ஜெயித்து இருக்கலாம் என்று தன்னிடம் கூறியதாகவும் தெரிவித்துள்ளார்.
இயக்குநர் பாரதிராஜாவின் மறைவிற்கு சென்றிருந்த போது சீமானும் ரஜினிகாந்தும் பேசிக்கொண்டிருந்த போது இதனை தெரிவித்ததாக கூறப்படுகிறது.
மேலும் சீமான் கூறியதாவது, “தான் சட்டமன்றத்தில் உள்ளே இருந்து பேசும்போது தான் இவ்வளவு பிரச்சினைகள் இருக்கின்றதா என மக்களுக்கு தெரியும்” என தெரிவித்தார்.
வெற்றி தோல்வியை பொருட்படுத்தாமல் போட்டி போடுவோம். இந்த முறையும் 5 தொகுதிகளிலும் போட்டி போடுவோம் எனவும் நம்பிக்கையோடு தெரிவித்துள்ளார்.
