யூத-அரபு கூட்டணி ஆட்சி அமைக்க வலியுறுத்தி இஸ்ரேலிய இடதுசாரி ஆர்வலர்கள் போராட்டம்!
இஸ்ரேலிய எதிர்க்கட்சித் தலைவரும் பிரதமர் பெஞ்சமின் நெதன்யாகுவின் முக்கிய அரசியல் போட்டியாளருமான காடி ஐசென்காட்டின் (Gadi Eisenkot) வீட்டிற்கு வெளியே இடதுசாரி ஆர்வலர்கள் திரண்டு தீவிரப் போராட்டத்தில் ஈடுபட்டனர்.
நடந்து முடிந்த நாடாளுமன்றத் தேர்தலில் அரபு கட்சிகளுடன் இணைந்து புதிய யூத-அரபு கூட்டணி அரசை (Jewish-Arab coalition) உடனடியாக அமைக்குமாறு போராட்டக்காரர்கள் ஐசென்காட்டை வலியுறுத்தினர்.
அண்மையில் நடைபெற்ற தேர்தலில் அரபு கட்சிகள் பெருமளவில் வாக்குகளைப் பெற்றதைத் தொடர்ந்து, நெதன்யாகுவோ அல்லது அவரது எதிரிகளோ எளிதில் ஆட்சி அமைக்க முடியாத சூழல் உருவாகியுள்ளது.
120 இடங்களைக் கொண்ட நாடாளுமன்றத்தில் தங்களுக்கு 67 இடங்கள் கிடைத்துள்ளதாகவும், அனைவரும் இணைந்து புதிய அரசாங்கத்தை உருவாக்க வேண்டும் என்றும் கோரிக்கை விடுக்கப்பட்டுள்ளது.
அரபு கட்சிகளின் வாக்குகள் தேர்தல் முறைகேடு மூலம் அதிகரித்ததாக எவ்வித ஆதாரமுமின்றி பிரதமர் பெஞ்சமின் நெதன்யாகு குற்றம் சாட்டியுள்ளார்.
எனினும், அரபு கட்சிகளுடன் ஐசென்காட் இணைந்து ஆட்சி அமைத்துவிடக் கூடாது என்பதற்காகவே நெதன்யாகு இத்தகைய குற்றச்சாட்டுகளைத் தீவிரப்படுத்தி வருவதாக அரசியல் விமர்சகர்கள் தெரிவிக்கின்றனர்.
