தமிழ் சினிமாவின் முன்னணி நடிகையான நயன்தாரா அரசியலில் களமிறங்குவது குறித்து இயக்குநர் விக்னேஷ் சிவன் அளித்துள்ள விளக்கம் தற்போது சமூக வலைதளங்களில் பேசும் பொருளாக மாறியுள்ளது.
2031 ஆம் ஆண்டு நடிகை நயன்தாராவின் அரசியல் வருகை இருக்குமா என்ற கேள்விக்கு இயக்குநர் விக்னேஷ் சிவன் பதிலளித்துள்ளார்.
இதுகுறித்து அவர் மேலும் தெரிவிக்கையில்,”நயன்தாரா தற்போது தாயாகியுள்ளார். குழந்தையையும் குடும்பத்தையும் கவனிப்பதிலும், வீட்டை ஒழுங்காகப் பார்த்துக் கொள்வதிலுமே இப்போது தனது முழு கவனத்தையும் செலுத்தி வருகிறார்.
அதில் கிடைக்கும் மகிழ்ச்சியும் நிறைவுமே தற்போது போதுமானது” எனக் குறிப்பிட்டுள்ளார்.
தற்போது சினிமா மற்றும் அரசியலைத் தாண்டி தனது குடும்ப வாழ்க்கைக்கும், குழந்தைகளை வளர்ப்பதற்கும் நயன்தாரா முன்னுரிமை அளித்து வருவதை விக்னேஷ் சிவனின் இந்தப் பதில் தெளிவாக உணர்த்தியுள்ளது
