மஹிந்த ராஜபக்ஷ வைத்தியசாலையில் அனுமதி.!

முன்னாள் ஜனாதிபதி மஹிந்த ராஜபக்ஷ திடீரென ஏற்பட்ட உடல்நலக் குறைவினால் இன்று(12) கொழும்பிலுள்ள நவலோக வைத்தியசாலையில் அனுமதிக்கப்பட்டுள்ளார்.

கடந்த சில நாட்களாக மஹிந்த ராஜபக்ஷ பல்வேறு வைத்தியப் பரிசோதனைகளுக்கு உட்படுத்தப்பட்ட நிலையில், இருதய நோய் நிலைமை தீவிரமடைந்துள்ளதால், அவர் தற்போது வைத்தியசாலையில் அனுமதிக்கப்பட்டுள்ளார்.

அவர் சிறிது நேரம் தீவிர சிகிச்சை பிரிவில் (ICU) சிகிச்சைக்காக அனுமதிக்கப்பட்டிருந்தார்.

பின்னர் முன்னாள் ஜனாதிபதியின் சுகாதார நிலைமை குறித்து சில சாதாரண மருத்துவ பரிசோதனைகள் மேற்கொள்ளப்பட்டுள்ளன.

குறித்த மருத்துவ பரிசோதனை முடிவுகள் சாதகமாக உள்ளதால், அவர் தற்போது சாதாரண சிகிச்சை பிரிவின் கீழ் வைத்தியசாலையில் தங்கவைக்கப்பட்டுள்ளார்.

இன்று ஷிரந்தி ராஜபக்ஷ மற்றும் நாடாளுமன்ற உறுப்பினர் நாமல் ராஜபக்ஷ ஆகியோரைச் சந்திப்பதற்காக வெலிக்கடை சிறைச்சாலைக்குச் செல்ல அவர் திட்டமிட்டிருந்ததாகவும் தெரிவிக்கப்படுகிறது.