யாழ்ப்பாணத்தில் நீண்ட காலமாக சட்டவிரோத மணல் கடத்தலில் ஈடுபட்டு வந்த சந்தேகநபர் ஒருவர் நேற்றையதினம் அதிரடியாக கைது செய்யப்பட்டுள்ளார்.
இது குறித்து மேலும் தெரியவருகையில்,
குறித்த நபர் நீண்ட காலமாக கொழும்புத்துறை பகுதியில் இருந்து எடுத்து வரும் மணலை அரியாலை பகுதியில் தேக்கி வைத்து, அங்கிருந்து விற்பனை நடவடிக்கைகளை மேற்கொண்டு வந்துள்ளார்.
இதுகுறித்து யாழ்ப்பாணம் மாவட்ட சிரேஷ்ட பொலிஸ் அத்தியட்சகர் ஜே.பி.ஏ.ஜெயமாலின் கீழ் இயங்கும் பொலிஸ் புலனாய்வு பிரிவினருக்கு கிடைத்த இரகசிய தகவலின் அடிப்படையில் சந்தேக நபர் மணலுடன் கைது செய்யப்பட்டுள்ளார். இதன்போது மூன்று டிப்பர்களும் மணலும் பறிமுதல் செய்யப்பட்டன.
இது குறித்து சந்தேகநபரிடம் விசாரணைகளை மேற்கொண்டபின் அவரை யாழ்ப்பாணம் மாவட்ட நீதிவான் நீதிமன்றத்தில் முற்படுத்துவதற்கான நடவடிக்கைகளை பொலிசார் மேற்கொண்டு வருகின்றனர்.
