டொனால்ட் ட்ரம்ப்பின் ஈரான் மீதான ஹோர்முஸ் நீரிணையை திறப்பதற்கான காலக்கெடு அண்மித்து வரும் நிலையில், ஈரானானது, இன்று (23) அமெரிக்க இராணுவத் தளங்களுக்கு மின்சாரத்தை விநியோகிக்கும் மத்திய கிழக்கு மின் பிறப்பாக்கிகளை தாக்குவோம் என ஈரான் அறிவித்துள்ளது.
ஈரானிய துணை இராணுவ புரட்சிகர படையின் இவ் அறிவித்தலானது, ஈரானின் பிந்தைய தாக்குதல்கள் பற்றிய விளக்கமாக அமைந்துள்ளது.ஈரானிய தொலைக்காட்சியொன்று இது தொடர்பில் தெரிவித்ததாவது,
“எங்களுடைய மின்பிறப்பாக்கிகள் தாக்குதலுக்கு உட்பட்டால் அமெரிக்க தளங்களுக்கு மின்சாரத்தை விநியோகிக்கும் பிராந்திய மின் பிறப்பாக்கிகளை தாக்குவோம்.
அத்துடன் அமெரிக்க சார்பான பொருளாதார, கைத்தொழில் மற்றும் உட்கட்டமைப்பு வசதிகளையும் தாக்குவோம். இது இஸ்ரேலுக்கும் பொருந்தும் என குறிப்பிடப்பட்டுள்ளது. இதில் சந்தேகம் எதுவும் வேண்டாம். நாங்கள் நிச்சயம் இதனை மேற்கொள்வோம்.
ஹோர்முஸ் நீரிணை 48 மணித்தியாலத்தின் பின்னரும் மூடப்பட்டிருந்தால் ஈரானிய மின் பிறப்பாக்கிகள் மீது இலக்குவைத்து தாக்குவோம் என நேற்று (22) டொனால்ட் ட்ரம்ப் எச்சரித்துள்ளமை குறிப்பிடத்தக்கது.
