பொங்கல் வரிசையில் நடிகர் விஜய்யின் ‘ஜனநாயகன்’ திரைப்படத்திற்குப் பின்னர் வெளியாகவிருந்த ‘பராசக்தி’ படத்தின் வெளியீடு இந்திய மத்திய திரைப்பட சான்றிதழ் வாரியத்திடமிருந்து (CBFC) சான்றிதழ் பெறுவதில் ஏற்பட்ட தாமதம் காரணமாக நிறுத்தி வைக்கப்பட்டுள்ளதாகக் கூறப்படுகிறது.இது தணிக்கை செயல்முறை குறித்து தமிழ்த் திரையுலகில் பரவலான கவலையைத் தூண்டியுள்ளது.
ஜனவரி 10 ஆம் திகதி ‘ஜனநாயகன்’ வெளியான மறுநாள் திரையிடப்படும் என எதிர்பார்க்கப்படும் பெரிய பட்ஜெட் தயாரிப்பான இந்தப் படம், வியாழக்கிழமை (09) மாலை வரை இயக்குநர்கள் CBFC இருந்து அனுமதி பெறவில்லை என்று தொழில்துறை வட்டாரங்கள் தெரிவித்தன.
சுதா கொங்கரா இயக்கத்தில், சிவகார்த்திகேயன், ரவி மோகன், அதர்வா மற்றும் ஸ்ரீலீலா நடித்துள்ள இந்த திரைப்படம் 1960 ஆம் ஆண்டுகளின் பின்னணியில் திராவிடத்தை மையமாகக் கொண்டு உருவாக்கப்பட்டுள்ளது.மேலும், சமூக யதார்த்தங்கள் மற்றும் எதிர்ப்பின் கருப்பொருளை ஆராய்கிறது.
இந்த நிலையில் திரைப்படத்திற்கான சான்றிதழ் குறித்த நிச்சயமற்ற தன்மை பல திரையரங்குகளின் முன்பதிவுகளைப் பாதித்துள்ளது.திரைப்பட உரிமையாளர்கள் சான்றிதழ் உறுதி செய்யப்படும் வரை முன்கூட்டியே விற்பனையைத் தொடங்குவதைத் தவிர்த்து வருகின்றனர்.
வியாழக்கிழமை மாலை நிலவரப்படி, BookMyShow, சென்னையில் டிக்கெட்டுகளை விற்கும் மூன்று தியேட்டர்களை மட்டுமே பட்டியலிட்டுள்ளது – மூன்றுமே நகரின் புறநகர்ப் பகுதிகளில் உள்ளன.டான் பிக்சர்ஸ் தயாரித்த இந்தப் படத்தை, தமிழக துணை முதல்வர் உதயநிதி ஸ்டாலினால் நிறுவப்பட்ட ரெட் ஜெயண்ட் மூவிஸ் விநியோகிக்கிறது.
‘பராசக்தி’ திரைப்படத்தின் சான்றிதழ் நிலை குறித்து மத்திய திரைப்பட சான்றிதழ் வாரியமோ அல்லது தயாரிப்பு குழுவோ இதுவரை எந்த அதிகாரப்பூர்வ அறிக்கையையும் வெளியிடவில்லை.
