பிரபல இசையமைப்பாளர் அனிருத் ரவிச்சந்தருக்கும், சன்ரைசர்ஸ் ஹைதராபாத் (SRH) கிரிக்கெட் அணியின் பிரதம நிறைவேற்று அதிகாரியான (CEO) காவ்யா மாறனுக்கும் எதிர்வரும் நவம்பர் 10ஆம் திகதி திருமணம் நடைபெறவுள்ளதாக இந்திய ஊடகங்களில் செய்திகள் வெளியாகியுள்ளன.
இந்தத் திருமணம் கிரீஸ் நாட்டில் நடைபெற இருப்பதாகவும் கூறப்பட்டு வருகிறது.
சமீபத்தில் இருவரும் சேர்ந்து வெளியில் சுற்றுவது போன்ற நிழற்படங்கள் வெளியாகின.
இந்தநிலையில் இருவருக்கும் திருமணம் நடைபெறவுள்ளதாகவும் தகவல்கள் வெளியாகியுள்ளதாக இந்திய ஊடகங்கள் செய்தி வெளியிட்டுள்ளன.
எனினும், சமூக வலைதளங்களில் இது தொடர்பான செய்திகள் தீவிரமாகப் பரவி வரும் நிலையில், இந்த திருமணம் குறித்து இருதரப்பிலிருந்தும் இதுவரை எந்தவொரு அதிகாரப்பூர்வ அறிவிப்பும் வெளியாகவில்லை என்பது குறிப்பிடத்தக்கது.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
