கவர்ச்சி நடனங்களுக்கு மட்டுமே என்னை அணுகுகின்றனர் – தமன்னா ஆதங்கம்!

திரைத்துறையில் சவால் நிறைந்த கதாபாத்திரங்களில் நடிக்க தான் ஆர்வமாக இருப்பதாக நடிகை தமன்னா தெரிவித்துள்ளார்.

இருப்பினும், பெரும்பாலான இயக்குநர்கள் தன்னை ‘ஐட்டம் பாடல்களுக்கு’ மட்டுமே அணுகுவதாக அவர் ஆதங்கம் வெளியிட்டுள்ளார்.

கவர்ச்சியான பிம்பத்தைத் தாண்டி, ஒரு நடிகையாகத் தனது திறமையை முழுமையாக வெளிப்படுத்தும் வகையிலான கதாபாத்திரங்களை இயக்குநர்கள் வழங்க வேண்டும் என வேண்டுகோள் விடுத்துள்ளார்.

மேலும், காலத்திற்கு ஏற்ப சினிமா மாறி வருவதைச் சுட்டிக்காட்டிய அவர், கதையின் தேவைக்காக அமைக்கப்படும் முத்தக் காட்சிகளைத் தனிமைப்படுத்திப் பார்க்கவோ அல்லது தவறாக மதிப்பிடவோ கூடாது என்றும் குறிப்பிட்டுள்ளார்.