சீரற்ற காலநிலை காரணமாக இரத்தினபுரி மாவட்டத்தின் 6 பிரதேச செயலாளர் பிரிவுகளுக்கு மண்சரிவு அபாய சிவப்பு எச்சரிக்கை விடுக்கப்பட்டுள்ளது.
இன்று (26) பிற்பகல் 2.45 மணிக்கு வெளியிடப்பட்ட குறித்த அறிவிப்பு, நாளை (27) பிற்பகல் 2.45 மணி வரை செல்லுபடியாகும் என தேசிய கட்டிட ஆராய்ச்சி நிறுவனம் தெரிவித்துள்ளது.
அதற்கமைய அயகம, பெல்மதுளை, குருவிட்ட, எலபாத மற்றும் ஓபநாயக்க ஆகிய பிரதேச செயலாளர் பிரிவுகளுக்கு மண்சரிவு அபாய சிவப்பு முன்னெச்சரிக்கை விடுக்கப்பட்டுள்ளது.
அத்துடன் பல பிரதேச செயலாளர் பிரிவுகளுக்கு இரண்டாம் நிலை மற்றும் முதல் நிலை மண்சரிவு எச்சரிக்கைகளும் விடுக்கப்பட்டுள்ளன.
இரண்டாம் நிலை எச்சரிக்கை விடுக்கப்பட்டுள்ள பகுதிகளாவன:-
களுத்துறை மாவட்டம்: வலல்லாவிட, தொடங்கொடை, புளத்சிங்கள மற்றும் மதுராவல
கண்டி மாவட்டம்: உடநுவர மற்றும் பஸ்பாகே கோரள
கேகாலை மாவட்டம்: தெஹியோவிட்ட, அரநாயக்க, கலிகமுவ மற்றும் தெரணியாகல
குருநாகல் மாவட்டம்: குருநாகல்
நுவரெலியா மாவட்டம்: அம்பகமுவ கோரள, கொத்மலை கிழக்கு மற்றும் நோர்வூட்
இரத்தினபுரி மாவட்டம்: நிவித்திகல, கிரிஎல்ல, பலாங்கொடை, எஹலியகொட மற்றும் களுவான
முதலாம் நிலை எச்சரிக்கை
காலி மாவட்டம்: கரந்தெனிய மற்றும் தவலம
கம்பஹா மாவட்டம்: அத்தனகல
களுத்துறை மாவட்டம்: மில்லனிய, இங்கிரிய, பேருவளை, ஹொரணை மற்றும் பாலிந்தநுவர
கண்டி மாவட்டம்: உடப்பளாத்த, உடதும்புர மற்றும் கங்க இஹல கோரள
கேகாலை மாவட்டம்: ருவான்வெல்ல, வரக்காபொல, கேகாலை, மாவனல்லை மற்றும் யட்டியந்தோட்டை
குருநாகல் மாவட்டம்: மாவத்தகம, நாரம்மல மற்றும் அலவ்வ
நுவரெலியா மாவட்டம்: கொத்மலை மேற்கு
இரத்தினபுரி மாவட்டம்: இம்புல்பே, வெலிகெபொல, கஹவத்தை மற்றும் கொலொன்ன
