சமூக வலைதளங்களில் வரும் விமர்சனங்களை எதிர்கொள்ளும்போது நாம் பயந்தால் வாழ்க்கையில் முன்னேற முடியாது என பொலிவுட் பிரபல நடிகை கத்ரீனா கைப் தெரிவித்துள்ளார்.
நடிகர் விக்கி கவுசலை திருமணம் செய்துகொண்ட கத்ரீனா கைப்புக்கு கடந்த சில மாதங்களுக்கு முன்பு குழந்தை பிறந்தது.
குழந்தை பிறந்த பிறகு அவரது உடல் எடை அதிகரித்துள்ளதாகக் கூறி சமூக வலைதளங்களில் சில நெட்டிசன்கள் உருவகேலி (body shaming) விமர்சனங்களை பரப்பினர். இதற்கு பல பிரபலங்கள் கண்டனம் தெரிவித்திருந்தனர்.
இந்த விவகாரம் குறித்துப் பேசியுள்ள நடிகை கத்ரீனா கைப், சமூக வலைதளங்களில் வரும் விமர்சனங்கள் நமது சுயமரியாதையையும், தன்னம்பிக்கையையும் பாதிக்காதவாறு கவனமாக இருக்க வேண்டும் எனக் குறிப்பிட்டுள்ளார்.
மேலும் அவர், அனைத்தையும் நாம் பின்பற்ற முயன்றால் எந்த ஒரு விடயத்திலும் சரியான முடிவுகளை எடுக்க முடியாது எனவும் விமர்சனங்களை எதிர்கொள்ளும்போது பயந்தால் வாழ்க்கையில் நம்மால் முன்னேற முடியாது எனவும் அவர் தெரிவித்தார்.
அத்துடன் நாமே நமக்கு ஊக்கம் அளிப்பவர்களாக இருக்க வேண்டும், விமர்சனங்களையும், கிண்டல்களையும் இலகுவாக எடுத்துக்கொண்டு நம்மை நாமே அழுத்தத்திற்குள் ஆளாகாமல் இருப்பது நல்லது எனவும் அவர் தெரிவித்துள்ளார்.
