இலங்கைக்கு எதிராக வரவிருக்கும் மூன்று போட்டிகள் கொண்ட டி20 தொடர் மற்றும் இங்கிலாந்து, இலங்கை ஆகிய அணிகள் பங்கேற்கும் ஒருநாள் முத்தரப்புத் தொடருக்கான பாகிஸ்தான் ஆடவர் அணிகளை பாகிஸ்தான் கிரிக்கெட் வாரியம் (PCB) அறிவித்துள்ளது.
அண்மையில் நிறைவடைந்த ஆசிய விளையாட்டுப் போட்டிகளில் பாகிஸ்தான் அணியை வழிநடத்திய வலது கை தொடக்க ஆட்டக்காரரான சாஹிப்சாதா ஃபர்ஹான், இலங்கைக்கு எதிரான மூன்று போட்டிகள் கொண்ட டி20 தொடரில் பாகிஸ்தான் அணியை வழிநடத்துவார்.
அதேவேளையில், இடது கை வேகப்பந்து வீச்சாளரான ஷாஹீன் ஷா அஃப்ரிடி முத்தரப்புத் தொடருக்கான ஒருநாள் அணிக்குத் தொடர்ந்து தலைவராக செயல்படுவார்.
இந்த டி20 சர்வதேசத் தொடர் ராவல்பிண்டி கிரிக்கெட் மைதானத்தில் நடைபெறும்.
இதன் முதல் போட்டி ஒக்டோபர் 9-ஆம் திகதி நடைபெறவுள்ளது.
இரண்டாவது மற்றும் மூன்றாவது டி20 போட்டிகள் முறையே ஒக்டோபர் 11 மற்றும் 13 ஆகிய திகதிகளில் நடைபெறும்.
டி20 சர்வதேசத் தொடரைத் தொடர்ந்து, இங்கிலாந்து மற்றும் இலங்கை ஆகிய அணிகளுடன் இணைந்து ஏழு போட்டிகள் கொண்ட ஒருநாள் முத்தரப்புத் தொடரில் பாகிஸ்தான் பங்கேற்கவுள்ளது.
இத்தொடரின் முதல் மூன்று போட்டிகள் ராவல்பிண்டியிலும், எஞ்சிய லீக் போட்டிகள் மற்றும் இறுதிப் போட்டி ஆகியவை லாகூரிலும் நடைபெறும்.
