உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஊடகங்களை அடக்குகிறோம் என்பது அப்பட்டமான பொய்.!

இலங்கை செய்திகள் 5 மாதங்கள் முன்
133 பார்வைகள்

“நாம் ஊடகங்களை அடக்குவதாக தேசிய மக்கள் சக்தியின் பிரதிநிதிகள் திட்டமிட்டு போலியான தகவல்களைப் பரப்பி வருகின்றனர்” என வடமராட்சி தெற்கு மேற்கு பிரதேச சபையின் உப தவிசாளர் தயாபரன் தெரிவித்துள்ளார்.

வடமராட்சி தெற்கு மேற்கு பிரதேச சபையின் மாதாந்த அமர்வு நேற்றையதினம் உப தவிசாளர் தயாபரன் தலைமையில் நடைபெற்றது.

இக்கூட்டத்தின் போது, சபை அமர்வுகளில் ஊடகவியலாளர்களை அனுமதிப்பது தொடர்பாகப் பல காரசாரமான விவாதங்களும், வாதப் பிரதிவாதங்களும் முன்னெடுக்கப்பட்டன. இதன்போது, தேசிய மக்கள் சக்தியின் (NPP) உறுப்பினர்கள் தவிசாளர் மற்றும் செயலாளர் மீது பல்வேறு குற்றச்சாட்டுகளைச் சுமத்தினர்.

இக்குற்றச்சாட்டுகளுக்குப் பதிலடி கொடுக்கும் வகையில், ஊடகங்களுக்குக் கருத்துத் தெரிவித்த உப தவிசாளர் தயாபரன் குறிப்பிட்டதாவது,
“ஊடகவியலாளர்கள் தங்களை உறுதிப்படுத்தக்கூடிய முறையான ஆவணங்களைச் சபையில் சமர்ப்பித்து, சபை அமர்வுகளில் தாராளமாகக் கலந்துகொள்ள முடியும். அதற்கு எந்தத் தடையும் இல்லை.

அந்தவகையில், ஊடகவியலாளர் லின்ரன் அவர்களும் தனது ஊடக அடையாள அட்டையை முறையாகச் சமர்ப்பித்தே இன்றைய சபை அமர்வில் கலந்துகொண்டிருந்தார்.

சபை மரியாதையையும் அதன் தனித்துவத்தையும் பேணும் பொருட்டே ஊடகவியலாளர்களுக்கு சில நிபந்தனைகள் விதிக்கப்பட்டுள்ளன. ஒருவேளை, அந்த நிபந்தனைகளில் ஊடக அடக்குமுறை சார்ந்த விடயங்கள் ஏதேனும் இருப்பதாகச் சுட்டிக்காட்டப்பட்டால், அவற்றை உடனடியாக நிவர்த்தி செய்ய நாம் தயாராகவே உள்ளோம்.”

மேலும், தேசிய மக்கள் சக்தியின் பிரதேச சபை உறுப்பினர்கள் இதனைத் தங்களது சுய அரசியல் இலாபத்திற்காகப் பயன்படுத்தப் பார்க்கிறார்கள். ‘ஊடக அடக்குமுறை’ என்ற போலியான பிம்பத்தை உருவாக்கி, மக்கள் மத்தியில் தவறான கருத்துக்களைப் பரப்பி வருகின்றனர் என்றும் உப தவிசாளர் தயாபரன் இதன்போது சாடினார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

151 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

139 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

134 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

141 0 0