பிரஜா சக்தி தேசிய இயக்கம் தொடர்பான நுவரெலியா மாவட்ட விழிப்புணர்வு நிகழ்ச்சி இன்று (03) காலை நுவரெலியா நகர மண்டபத்தில் நடைபெற்றது.இந்நிகழ்வில், பிரஜா சக்தி தேசிய இயக்கத்தின் நோக்கங்கள், எதிர்கால செயற்பாடுகள், கிராமப்புற மேம்பாட்டுத் திட்டங்களை அடையாளம் காணுதல், திட்ட அறிக்கைகள் தயாரித்தல் மற்றும் அவற்றை நடைமுறைப்படுத்துவதன் மூலம் கிராமப்புற வறுமையை ஒழிப்பது தொடர்பாக விரிவாக விளக்கப்பட்டது.
நிகழ்வில் கிராமப்புற அபிவிருத்தி, சமூகப் பாதுகாப்பு மற்றும் சமூக வலுவூட்டல் பிரதி அமைச்சர் வசந்த பியதிஸ்ஸ, கல்வி மற்றும் உயர்கல்வி பிரதி அமைச்சர் மதுர செனவிரத்ன, நுவரெலியா மாவட்ட நாடாளுமன்ற உறுப்பினர்கள் ரஞ்சித் விஜேரத்ன மற்றும் அனுஷ்க திலகரத்ன, கிராமப்புற அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் சம்பத் மந்திரிநாயக்க, ஜனாதிபதியின் மூத்த மேலதிக செயலாளர் கபில குணரத்ன உள்ளிட்ட பலர் கலந்துகொண்டனர்.மேலும், அமைச்சின் மேலதிக மாவட்ட செயலாளர்கள், அதிகாரிகள் மற்றும் தேசிய சமூக வலுவூட்டல் செயற்பாடுகளுடன் தொடர்புடைய அதிகாரிகள் குழுவும் இதில் பங்கேற்றனர்.
