உள்ளடக்கத்திற்குச் செல்க
நவம்பர் 2026
20 வெள்ளி
4210 பேர் இப்போது பார்க்கின்றனர்

பழுதடைந்த வெங்காயம் விற்பனை; வர்த்தகருக்கு அபராதமும், சிறைத்தண்டனையும் விதிப்பு.!

இலங்கை செய்திகள் 5 மணி நேரம் முன்
124 பார்வைகள்

பழுதடைந்த வெங்காயத்தை விற்பனை செய்தமை மற்றும் மருத்துவச் சான்றிதழின்றி உணவைக் கையாண்டமை ஆகிய குற்றச்சாட்டுகளின் கீழ் சம்மாந்துறை நீதவான் நீதிமன்றத்தில் முன்னிலைப்படுத்தப்பட்ட வர்த்தகர் ஒருவருக்கு மொத்தமாக 10,000 ரூபாய் அபராதமும், 5 வருடங்களுக்கு ஒத்திவைக்கப்பட்ட 6 மாத சிறைத்தண்டனையும் விதித்து இன்று (19) தீர்ப்பளிக்கப்பட்டுள்ளது.

கடந்த வாரம் (10.11.2026) சம்மாந்துறைப் பகுதியில் பழுதடைந்த வெங்காயம் விற்பனை செய்யப்படுவதாக பொதுச் சுகாதார பிரிவினருக்குக் கிடைக்கப்பெற்ற முறைப்பாட்டையடுத்து, அதிகாரிகள் உடனடியாகச் சோதனை நடவடிக்கைகளை முன்னெடுத்தனர். இதன்போது விற்பனைக்காக வைக்கப்பட்டிருந்த 8 கிலோ 250 கிராம் பழுதடைந்த வெங்காயம் கைப்பற்றப்பட்டதுடன், சந்தேகநபருக்கு எதிராக சம்மாந்துறை நீதவான் நீதிமன்றத்தில் சம்மாந்துறை சுகாதார வைத்திய அதிகாரி அலுவலகத்தின் பொதுச் சுகாதாரப் பிரிவினரால் ‘பி’ (B) அறிக்கை தாக்கல் செய்யப்பட்டது. ஆரம்ப விசாரணைகளின்போது சந்தேகநபர் 50,000 ரூபா சரீரப் பிணையில் விடுவிக்கப்பட்டிருந்தார்.

இவ்வழக்கு இன்று (19) மீண்டும் விசாரணைக்கு எடுத்துக்கொள்ளப்பட்டபோது, சந்தேகநபருக்கு எதிராக முன்வைக்கப்பட்ட இரு குற்றச்சாட்டுகளுக்கும் நீதவான் பின்வரும் தண்டனைகளை விதித்துத் தீர்ப்பளித்தார்.

முதலாவது குற்றச்சாட்டு (பழுதடைந்த வெங்காயம் விற்பனை) குறித்த குற்றத்திற்காக 5,000 ரூபாய் அபராதம் விதிக்கப்பட்டதுடன், 6 மாத காலச் சிறைத்தண்டனை 5 வருடங்களுக்கு ஒத்திவைக்கப்பட்டது. இரண்டாவது குற்றச்சாட்டு (மருத்துவச் சான்றிதழின்றி உணவைக் கையாண்டமை): இக்குற்றத்திற்காக மேலும் 5,000 ரூபாய் அபராதம் விதிக்கப்பட்டது.

பொதுமக்களின் சுகாதாரத்தைப் பாதுகாப்பதும், உணவுப் பாதுகாப்பு விதிமுறைகளை மீறும் வர்த்தகர்களுக்கு எதிராகத் தயவுதாட்சண்யமின்றிச் சட்ட நடவடிக்கை எடுப்பதும் தமது பிரதான கடமையாகும் என சம்மாந்துறை சுகாதார வைத்திய அதிகாரி அலுவலகத்தின் பொதுச் சுகாதார பிரிவினர் தெரிவித்துள்ளனர். ஆரோக்கியமான சமூகத்தை உருவாக்குவதற்கு அனைத்துத் தரப்பினரும் ஒத்துழைப்பு வழங்க வேண்டும் எனவும் அவர்கள் கேட்டுக்கொண்டுள்ளனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

சந்திரசேகரனின் சித்திர ஆசிரியர் சித்திரத்தை அழிப்பது போல எமது கடல் வளத்தை அழிக்கிறார்.!

அமைச்சர் சந்திரசேகரனின் சித்திர ஆசிரியர் சித்திரத்தை வரைந்து வரைந்து அழிப்பது போன்று கடல் வளத்தையும் அழிக்கிறார். இதனால் பாரம்பரிய சிறு தொழில் மீனவர்கள் பாதிக்கப்படுகின்றனர். சந்திரசேகரன் அமைச்சரா?…

131 0 0
இலங்கை செய்திகள்

மரண தண்டனை விதிக்கப்பட்டோர் கட்சி வேலைத்திட்டங்களை முன்னெடுத்தவர்கள் அல்ல.!

மட்டக்களப்பு மேல் நீதிமன்றத்தினால் மரணதண்டனை தீர்ப்பளிக்கப்பட்டவர்கள் ஈழ மக்கள் ஜனநாயகக் கட்சி தலைமையின் வழிநடத்தலில் செயற்பட்டவர்களோ, கட்சி வேலைத்திட்டங்களை முன்னெடுத்தவர்களோ அல்ல என்று கட்சியின் ஊடகச் செயலாளர்…

136 0 0
இலங்கை செய்திகள்

ராஜ் சோமதேவாவின் அறிக்கையை முற்றாக நிராகரிக்கின்றோம்.!

செம்மணி புதைகுழி விவகாரம் குறித்து பேராசிரியர் ராஜ் சோமதேவாவின் அறிக்கையினை முற்றாக நிராகரித்து சர்வதேச விசாரணையை தாங்கள் கோருவதாக நீதிமன்றில் சுட்டிக்காட்டியதாக சட்டத்தரணி கனகரத்தினம் சுகாஷ் தெரிவித்துள்ளார்.…

132 0 0
இலங்கை செய்திகள்

மாலதி அவர்களின் நினைவேந்தல் நிகழ்வில் பங்கேற்றமைக்காக பொன் மாஸ்டரிடம் சி.ஐ.டி விசாரணை.!

கோப்பாய் பகுதியில் இடம்பெற்ற மாலதி அவர்களின் நினைவேந்தல் நிகழ்வில் பங்கேற்றமை தொடர்பாக, தமிழ்த் தேசிய மக்கள் முன்னணியின் யாழ்ப்பாண மாவட்ட அமைப்பாளர் பொன் மாஸ்டரிடம் இன்று (19.11.2026)…

125 0 0