ரஷ்யாவில் இராணுவ வானூர்தி விபத்து – 19 பேரும் உயி@ரிழப்பு!
ரஷ்யாவின் தென்மேற்கு சைபீரியாவில் அமைந்துள்ள கெமெரோவோ பிராந்தியத்தில், அன்-12 (An-12) இராணுவ வானூர்தி விபத்துக்குள்ளானதில் அதில் பயணித்த 19 பேரும் உயிரிழந்துள்ளனர்.
இந்த விபத்து தொடர்பான தகவலை ரஷ்ய பாதுகாப்பு அமைச்சு, சி.என்.என். செய்தி நிறுவனத்திடம் தெரிவித்துள்ளது.
வானூர்தியில் ஏற்பட்ட தொழில்நுட்பக் கோளாறே விபத்துக்கான பிரதான காரணமாக இருக்கலாம் என ஆரம்பகட்ட தகவல்கள் தெரிவிக்கின்றன.
குடியிருப்புகள் இல்லாத வெறிச்சோடிய பகுதியில் வானூர்தி விழுந்து விபத்துக்குள்ளாகியுள்ளது.
சம்பவ இடத்துக்குச் சென்ற மீட்புப் பணியாளர்கள் வானூர்தி விபத்தினால் ஏற்பட்ட தீயைக் கட்டுப்பாட்டுக்குள் கொண்டு வந்துள்ளதாக பிராந்திய ஆளுநர் இல்யா செரெடியுக் தெரிவித்துள்ளார்.


