உள்ளடக்கத்திற்குச் செல்க
நவம்பர் 2026
17 செவ்வாய்
4210 பேர் இப்போது பார்க்கின்றனர்

மன்னாரில் ஐஸ் போ@தைப்பொருள் குற்றவாளிக்கு 40 ஆண்டுகள் சிறை!

இலங்கை செய்திகள் 9 மணி நேரம் முன்
90 பார்வைகள்

மன்னாரில் ஐஸ் போதைப்பொருள் வைத்திருந்த குற்றவாளிக்கு 40 ஆண்டுகள் கடுமையான சிறைத்தண்டனையும், ஒரு மில்லியன் ரூபா தண்டப் பணமும் விதித்து மன்னார் மேல் நீதிமன்ற நீதிபதி ஏ.ஏ. ஆனந்தராஜா இன்று திங்கட்கிழமை (16) தீர்ப்பு வழங்கியுள்ளார்.

கடந்த 2023 ஆம் ஆண்டு ஜனவரி மாதம் 16 ஆம் தேதி, மன்னார் விசேட குற்றத்தடுப்பு பிரிவு பொலிசாரினால் ஒரு சந்தேக நபர் கைது செய்யப்பட்டு நீதிமன்றத்தில் முற் படுத்தப்பட்டார்.

அவரிடமிருந்து 54 கிராம் 40 மில்லி கிராம் எடை ஐஸ் போதைப்பொருள் பொதி மீட்கப்பட்டிருந்தது.

இதனைத் தொடர்ந்து அரச பகுப்பாய்வுக்கு உட்படுத்தப்பட்டதில், அந்தச் சான்றுப் பொருளில் தூய நிலையில் 3.38 கிராம் ஐஸ் போதைப்பொருள் அடங்கி இருப்பது உறுதி செய்யப்பட்டது.

இதன் அடிப்படையில், சட்டமா அதிபர் திணைக்களத்தினால் கடந்த 2024 ஆம் ஆண்டு நவம்பர் மாதம் சந்தேக நபருக்கு எதிராக மன்னார் மேல் நீதிமன்றத்தில் குற்றப்பத்திரம் தாக்கல் செய்யப்பட்டு வழக்கு விசாரணைகள் இடம்பெற்றது.

குறித்த வழக்கில் அரசு தரப்பு சாட்சியங்கள் மற்றும் எதிரி தரப்பு சாட்சியங்கள் யாவும் பரிசீலனைக்கு உட்படுத்தப்பட்டன.

விசாரணையின் முடிவில், எதிரிக்கு எதிராக சுமத்தப்பட்ட இரண்டு குற்றச்சாட்டுகளுக்கும் சந்தேகத்திற் கப்பால் நிரூபிக்கப்பட்டதால் அவர் குற்றவாளி என நீதிபதி ஏ.ஏ. ஆனந்தராஜா தீர்ப்பளித்தார்.

இதன்போது தண்டனைக் குறைப்புக்கான விண்ணப்பத்தின் போது, எதிரி இளம் குடும்பஸ்தர் என்றும், ஒரு சிறிய குழந்தையின் தந்தை என்பதால் அவர் திருந்துவதற்கு நீதிமன்றம் ஒரு வாய்ப்பு வழங்க வேண்டும் என்றும் எதிரி தரப்பில் கோரிக்கை விடுக்கப்பட்டது.

எனினும், நீதிமன்றம், எதிரி இவ்வழக்கில் கைது செய்யப்படுவதற்கு இரண்டு மாதங்களுக்கு முன்னர், மன்னார் நீதவான் நீதிமன்றத்தால் குறைந்த அளவிலான நிறையுடைய ஐஸ் போதைப்பொருள் வழக்கு ஒன்றில், குற்றவாளியாக காணப்பட்டு, ஒத்திவைக்கப்பட்ட சிறைத் தண்டனையும் விடுவிக்கப்பட்டு இருந்தார்.

அத்துடன், நீதிமன்றம் முன்பு வழங்கிய திருந்துவதற்கான வாய்ப்பை அவர் முறையாக பயன்படுத்தவில்லை என்பதைச் சுட்டிக்காட்டிய மேல் நீதிமன்ற நீதிபதி, கைப்பற்றப்பட்ட சான்று பொருள் அவரது சொந்த நுகர்வுக்காக உடமை கொள்ளப் பட்டதல்ல என்பதையும், அது வியாபாரம் செய்யும் நோக்கத்துக்காக வைத்திருக்கப்பட்ட பெறுமதியான பொருள் என்பதையும் கவனத்தில் எடுத்து அக் கோரிக்கையை நிராகரித்து சட்டத்தினால் விதிக்கப்படக் கூடிய உச்சபட்ச தண்டனை எதிரிக்கு வழங்கப்பட்டது.

இதனடிப்படையில், எதிரிக்கு எதிராக சுமத்தப்பட்ட இரண்டு குற்றச்சாட்டுகளுக்கும் தலா 20 ஆண்டுகள் வீதம் மொத்தம் 40 ஆண்டுகள் கடூழிய சிறைத்தண்டனை விதிக்கப்பட்டுள்ளது.

ஒவ்வொரு குற்றச்சாட்டுக்கும் தலா 5 லட்சம் ரூபாய் வீதம் மொத்தம் 1 மில்லியன் (10 லட்சம்) ரூபாய் தண்டப்பணம் விதிக்கப்பட்டது.

இவ்வழக்கில் அரசு தரப்பு சாட்சியங்களை அரச சட்டவாதி ஆறுமுகம் தனுஷன் நெறிப்படுத்தி இருந்ததுடன், தீர்ப்பு வழங்கும் வேளையில் சட்டமா அதிபர் திணைக்களத்தின் சார்பில் அரச சட்டவாதி இம்மானுவேல் விக்டர் நேரு தேவ விதுரன் நீதிமன்றத்தில் பிரசன்னமாகியிருந்தார்.

தண்டனை பெற்ற மேற்படி நபர், தற்போதும் வேறொரு போதைப்பொருள் வழக்கில் கைது செய்யப்பட்டு விளக்கமறியலில் வைக்கப்பட்டுள்ளார் என்பது குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

சரித் அபேசிங்கவின் ஆடம்பர சொத்துக்கள் முடக்கம்!

ஒழுங்கமைக்கப்பட்ட குற்றக்கும்பல் உறுப்பினருடன் தொடர்புடைய இலஞ்ச ஊழல் வழக்கில், குற்றஞ்சாட்டப்பட்டுள்ள சரித் அபேசிங்கவுக்குச் சொந்தமான ஆடம்பர சொத்துக்களை முடக்குவதற்கான நடவடிக்கைகள் எடுக்கப்பட்டுள்ளதாக இலஞ்சம் அல்லது ஊழல் குற்றச்சாட்டுகளை…

91 0 0
இலங்கை செய்திகள்

15 இலட்சம் பெறுமதியான போ@தைப் பொருளுடன் பெண் ஒருவர் கைது!

கொழும்பில் இருந்து பொதிகள் போக்குவரத்து சேவை நிறுவனம் மூலம் மொனராகலை பகுதியில் உள்ள வீடொன்றுக்கு மிகவும் சூட்சுமமான முறையில் பயணப் பையொன்றில் பொதி செய்து அனுப்பப்பட்ட, 15…

90 0 0
இலங்கை செய்திகள்

யாழில். இளைஞர்களுக்கு இடையே மோதல் : கத்தரிக்கோலால் தாக்கப்பட்ட இளைஞன் ப@லி!

யாழ். அச்சுவேலி பொலிஸ் பிரிவுக்குட்பட்ட அச்சேலு பூலசிற்றி பகுதியில் நேற்றிரவு சுமார் 10 மணியளவில் இரு இளைஞர்களுக்கிடையில் ஏற்பட்ட மோதலைத் தொடர்ந்து இளைஞர் ஒருவர் உயிரிழந்துள்ளார். குறித்த…

90 0 0
இலங்கை செய்திகள்

காணிப் பிரச்சினைக்குத் தீர்வு காணாமல் உற்பத்திப் பொருளாதாரத்தை மேம்படுத்த முடியாது!

வடக்கு, கிழக்கு மாகாணங்களில் நீண்டகாலமாகத் தொடரும் காணிப் பிரச்சினைக்குத் தீர்வு காணப்படாமல் உற்பத்திப் பொருளாதாரத்தை வெற்றிகரமாக முன்னெடுக்க முடியாது என நாடாளுமன்றத்தில் வலியுறுத்தப்பட்டுள்ளது. வடக்கு, கிழக்கு மக்களின்…

61 0 0