காடுகள், களஞ்சியங்களில் மறைத்து வைக்கப்பட்டிருந்த கோடிக்கணக்கான பணம்!
ஹங்கேரியின் முன்னாள் பிரதமர் விக்டர் ஓர்பானின் ஆட்சிக் காலத்தில் அமைச்சராகப் பதவி வகித்த மிக்லோஷ் செஸ்டாக்கிற்கு எதிரான இலஞ்ச ஊழல் விசாரணையில், சுமார் 20 மில்லியன் அமெரிக்க டொலர் பெறுமதியான பணம் கண்டுபிடிக்கப்பட்டுள்ளது.
குறித்த பணத்தில் ஒரு பகுதி காடுகளில் புதைத்து வைக்கப்பட்டிருந்ததுடன், ஏனையவை விவசாயப் பண்ணைக் கட்டடங்கள் மற்றும் களஞ்சியசாலைகளில் மறைத்து வைக்கப்பட்டிருந்ததாக ஹங்கேரிய அதிகாரிகள் தெரிவித்துள்ளனர்.
முன்னாள் அமைச்சருக்கு எதிரான இலஞ்ச ஊழல் விசாரணையின் ஒரு பகுதியாகவே இந்தப் பணம் கண்டுபிடிக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.
இதற்கிடையில், கடந்த ஏப்ரல் மாதம் நடைபெற்ற தேர்தலில் 16 ஆண்டுகளாக ஹங்கேரியை ஆட்சி செய்த விக்டர் ஓர்பானைத் தோற்கடித்து பீட்டர் மக்யார் பிரதமராகப் பதவியேற்றார்.
ஐரோப்பிய ஒன்றியத்துடனான பாதிக்கப்பட்ட உறவுகளை மீண்டும் கட்டியெழுப்புவதுடன், ஊழல் குற்றச்சாட்டுகள் தொடர்பில் விரிவான விசாரணைகளை முன்னெடுப்பதாகவும் புதிய பிரதமர் உறுதியளித்துள்ளார்


