ஹட்டன் – நுவரெலியா பிரதான வீதியில் மண்சரிவு : போக்குவரத்து முற்றிலுமாகத் தடை!

ஹட்டன் – நுவரெலியா பிரதான வீதியில் மண் மேடு ஒன்று சரிந்து விழுந்ததால், அவ்வழியே போக்குவரத்து முற்றிலுமாகத் தடைபட்டுள்ளது.

9ஆம் திகதி மாலை சுமார் 5:00 மணியளவில், ஹட்டன்-நுவரெலியா பிரதான சாலையின் குடகம பகுதியில் மண் மேடு ஒன்று சரிந்து விழுந்ததால், அவ்வழியே போக்குவரத்து முற்றிலுமாகத் தடைபட்டது.

இதற்கிடையில், ஹட்டன் ஓயா ஆறு பெருக்கெடுத்து ஓடியதால், ஹட்டனின் சில தாழ்நில பகுதியில் உள்ள பல வீடுகள் நீரில் மூழ்கியுள்ளன.

மண் மேடு சரிந்து விழுந்ததில், அருகில் சென்றுகொண்டிருந்த ஒரு முச்சக்கர வண்டியும் அந்த மண் மேட்டிற்குள் மூழ்கியது, ஆனால் யாருக்கும் காயம் ஏற்படவில்லை.