ரஷ்யா – யுக்ரைன் போரால் பாதிக்கப்பட்டு அவதிப்பட்ட யுக்ரைனிய குழந்தைகளை மீட்டெடுத்தல் மற்றும் மனிதாபிமான உதவிகளை வழங்கியதற்காக, அமெரிக்காவின் முதல் பெண்மணி மெலனியா ட்ரம்புக்கு யுக்ரைன் அரசு தனது உயரிய விருதை வழங்கி கௌரவித்துள்ளது.
ரஷ்யா ஆக்கிரமித்துள்ள ஒலேஷ்கி பகுதியில் தற்காலிக போர்நிறுத்தம் மேற்கொள்ள அமெரிக்காவின் முதல் பெண்மணி மெலனியா ட்ரம்ப் இருதரப்புக்கும் இடையே மத்தியஸ்தம் செய்தார்.
இதன் விளைவாக, அப்பகுதியில் கடந்த ஒக்டோபர் மாதம் தற்காலிகப் போர்நிறுத்தம் அமுல்படுத்தப்பட்டு, உணவு மற்றும் மருத்துவமின்றி சிக்கியிருந்த யுக்ரைனிய மக்கள் பத்திரமாக மீட்கப்பட்டனர்.
மெலனியா ட்ரம்ப்பின் இத்தகைய உன்னத முயற்சியைப் பாராட்டி, யுக்ரைனின் உயரிய விருதுகளில் ஒன்றான ஒர்டர் ஒப் ஒல்கா, ஃபர்ஸ்ட் கிளாஸ்’ (Order of Princess Olga, 1st Class) விருதை யுக்ரைனிய ஜனாதிபதி வொலோடிமிர் ஜெலென்ஸ்கி அறிவித்து வழங்கினார்.
போர்களுக்கு இடையே இதுபோன்ற அரிதான போர்நிறுத்தத்தை அமுல்படுத்த முயற்சிகளை மேற்கொண்டதுடன், ரஷ்ய – யுக்ரைன் பிரதிநிதிகளை அமெரிக்க ஜனாதிபதியின் வெள்ளை மாளிகைக்கு அழைத்து பேச்சுவார்த்தை மேற்கொள்வேன் என்றும் மெலனியா ட்ரம்ப் குறிப்பிட்டுள்ளது குறிப்பிடத்தக்கது.
