அஜித்தின் ‘டேர் டெவில்’ படத்திலிருந்து சத்யராஜ் நீக்கப்பட்டாரா? – வெளியாகியுள்ள புதிய தகவல்!
நடிகர் அஜித் நடிப்பில் ஆதிக் ரவிச்சந்திரன் இயக்கும் ‘டேர் டெவில்’ திரைப்படத்திலிருந்து நடிகர் சத்யராஜ் நீக்கப்பட்டதாகத் தகவல்கள் வெளியாகியுள்ளன.
இந்த படத்தை அஜித்தின் மனைவி ஷாலினி தனது ‘பிரேவ் ஹோர்ட்ஸ்’ தயாரிப்பு நிறுவனம் ஊடாகத் தயாரிக்கிறார்.
இதன் படப்பிடிப்பு எதிர்வரும் நவம்பர் 12ஆம் திகதி ஹைதராபாத்தில் உள்ள ராமோஜி திரைப்பட நகரில் ஆரம்பமாகவுள்ளதாகத் தெரிவிக்கப்படுகிறது.
இப்படத்தில் அஜித்துடன் ஸ்ரீலீலா, பார்த்திபன் மற்றும் பிரபு ஆகியோர் நடிக்கவுள்ளதாகவும், அனிருத் இசையமைக்கவுள்ளதாகவும் கூறப்படுகிறது.
முன்னதாக, பார்த்திபன் ஏற்கவுள்ள கதாபாத்திரத்தில் சத்யராஜை நடிக்க வைக்க இயக்குநர் ஆதிக் திட்டமிட்டிருந்ததாகத் தகவல்கள் வெளியாகியுள்ளன.
எனினும், தமிழக முதலமைச்சர் விஜய் மற்றும் அவரது அரசியல் நடவடிக்கைகளை சத்யராஜும் அவரது மகள் திவ்யாவும் விமர்சித்து வருவதால், அஜித்தின் விருப்பத்தின் பேரில் சத்யராஜ் படத்திலிருந்து நீக்கப்பட்டதாக திரைப்படக் குழு தெரிவித்துள்ளது.
அஜித்துக்கும் விஜய்க்கும் இடையில் அண்மைக்காலமாக நெருக்கமான உறவு நிலவுவதாகக் கூறப்படும் பின்னணியில் இந்த முடிவு எடுக்கப்பட்டதாகவும் அந்தக் குழு குறிப்பிட்டுள்ளது.
