தவெக அரசுக்கு எதிராக நம்பிக்கையில்லாப் பிரேரணை? : தமிழக அரசியலில் மீண்டும் பரபரப்பு!
தமிழக தமிழிநாட்டில், வெற்றிக் கழகத்தின் தலைவர் விஜய் தலைமையிலான அரசாங்கம் ஆட்சிப் பொறுப்பேற்று ஆறு மாதங்களை நெருங்கியுள்ள நிலையில், அரசாங்கத்துக்கு எதிராக நம்பிக்கையில்லாப் பிரேரணை கொண்டுவரப்படுமா என்ற விவாதம் தீவிரமடைந்துள்ளதாக இந்திய ஊடகங்கள் செய்தி வெளியிட்டுள்ளன.
தமிழக சட்டமன்றத்தில் மொத்தம் 234 உறுப்பினர்கள் உள்ள நிலையில், ஆட்சியைத் தக்கவைத்துக்கொள்ள 118 உறுப்பினர்களின் ஆதரவு அவசியமாகும்.
2026ஆம் ஆண்டு சட்டமன்றத் தேர்தலில் தவெக 108 ஆசனங்களையும், திமுக கூட்டணி 73 ஆசனங்களையும், அதிமுக கூட்டணி 53 ஆசனங்களையும் பெற்றதாகத் தெரிவிக்கப்படுகிறது.
இந்தநிலையில், கடந்த மே 13ஆம் திகதி நடைபெற்ற நம்பிக்கை வாக்கெடுப்பில் காங்கிரஸ், இடதுசாரிக் கட்சிகள் மற்றும் அதிமுகவின் சில உறுப்பினர்களின் ஆதரவுடன் விஜய் அரசாங்கம் 144 வாக்குகளைப் பெற்று பெரும்பான்மையை நிரூபித்தது.
ஆறு மாதக் காலப்பகுதி நவம்பர் 13ஆம் திகதியுடன் நிறைவடைய உள்ள நிலையில், திமுக அல்லது அதிமுக நம்பிக்கையில்லாப் பிரேரணையைக் கொண்டுவருமா என்ற எதிர்பார்ப்பு எழுந்துள்ளது.
எனினும், போதிய உறுப்பினர்களின் ஆதரவைத் திரட்டாமல் பிரேரணையைக் கொண்டுவந்து தோல்வியடைந்தால், அது விஜய் அரசாங்கத்துக்குச் சாதகமாக அமையக்கூடும் என அரசியல் நோக்கர்கள் கருதுகின்றனர்.
அதேவேளை, கடந்த நம்பிக்கை வாக்கெடுப்பின்போது அதிமுகவின் சில உறுப்பினர்கள் விஜய் அரசாங்கத்துக்கு ஆதரவளித்ததாகக் கூறப்படும் நிலையில், அந்த கட்சியின் உறுப்பினர்களை ஒருமித்த நிலைப்பாட்டில் வைத்திருப்பது தலைமையின் சவாலாக அமையும் என எதிர்பார்க்கப்படுகிறது.
மறுபுறம், காங்கிரஸ், விடுதலைச் சிறுத்தைகள் கட்சி மற்றும் இடதுசாரிகளின் ஆதரவு தொடர்ந்தால் விஜய் அரசாங்கம் தனது பெரும்பான்மையைத் தக்கவைத்துக்கொள்ள வாய்ப்புள்ளது.
எனவே, எதிர்க்கட்சிகளின் அரசியல் நகர்வுகள், ஆதரவுக் கட்சிகளின் நிலைப்பாடு மற்றும் சட்டமன்ற உறுப்பினர்களின் வாக்களிப்பு ஆகியவையே விஜய் அரசாங்கத்தின் எதிர்காலத்தைத் தீர்மானிக்கும் முக்கிய காரணிகளாக அமையவுள்ளன என தமிழ் நாட்டு அரசியல் வட்டாரங்கள் தெரிவிக்கின்றன.
