இடைநிறுத்தப்பட்ட வீட்டுத்திட்டத்திற்கான கொடுப்பனவை விரைவாக வழங்க வலியுறுத்தி போராட்டம்.!

இடைநிறுத்தப்பட்ட வீட்டுத்திட்டத்திற்கான கொடுப்பனவை விரைவாக வழங்க வலியுறுத்தி கிளிநொச்சி மாவட்ட செயலகம் முன்பாக வீட்டுத்திட்ட பயனாளிகள் கவனர்யீர்ப்பு போராட்டத்தில் ஈடுபட்டனர்.

தேசிய அனர்த்த நிவாரண சேவைகள் நிலையத்தின் மூலம் டித்வா புயலினால் பாதிக்கப்பட்டவர்களுக்காக 50 இலட்சம் ரூபாய் வீட்டுத்திட்டம் வழங்கப்பட்டது. வீட்டுத்திட்டத்திற்கான ஆரம்ப தொகைகள் பயனாளிகளுக்கு வைப்பில் இடப்பட்ட நிலையில் தேசிய அனர்த்த நிவாரண சேவைகள் நிலையத்திற்கு கிடைத்த முறைப்பாடுகளுக்கமைய பணம் வழங்கல் இடைநிறுத்தப்பட்டது. இந்த நிலையில் தமக்கான பணத்தை வழங்க வலியுறுத்தி டித்வா வீட்டுத்திட்ட பயனாளிகள் போராட்டத்தில் ஈடுபட்டனர்.

போராட்டத்தில் ஈடுபட்டவர்கள் கருத்து தெரிவிக்கையில்,
தற்பொழுது பருவமழை ஆரம்பித்துள்ளதன் காரணமாக சிலர் தமது வாழ்ந்த தற்காலிக வீட்டினையும் உடைத்து நிரந்தர வீடும் இன்றி தற்பொழுது பெரிதும் பாதிக்கப்பட்டுள்ளதாகவும் எனவே இது தொடர்பாக சம்பந்தப்பட்ட அதிகாரிகள் உடன் தமக்கான மிகுதி கொடுப்பனவை விடுவிக்க வேண்டும் என வலியுறுத்தி போராட்டத்தை முன்னெடுத்தாக தெரிவித்தனர்.

குறித்த விடயம் தொடர்பாக கிளிநொச்சி மாவட்ட அரசாங்க அதிபர் தெரிவிக்கையில், பாதிக்கப்பட்டவர்களுக்கான கொடுப்பனவை மிக விரைவாக எதிர்வரும் வாரத்தில் மீள வழங்குவதற்கான நடவடிக்கை மேற்கொள்ளப்படும் என உறுதி அளித்தார்.