தென்மேற்குப் பருவ மழை நாட்டின் மீது படிப்படியாக நிலைபெற்று வருகிறது. மேற்கு, சப்ரகமுவ, மத்திய மற்றும் வடமேற்கு மாகாணங்களிலும், காலி மற்றும் மாத்தறை மாவட்டங்களிலும் அவ்வப்போது மழை அல்லது இடியுடன் கூடிய மழை பெய்யும்.
வடக்கு மாகாணத்திலும், அனுராதபுரம் மற்றும் ஹம்பாந்தோட்டை மாவட்டங்களிலும் பல சுற்று மழை பெய்யும் என வளிமண்டலவியல் திணைக்களம் எதிர்வு கூறியுள்ளது. ஊவா மற்றும் கிழக்கு மாகாணங்களிலும், பொலன்னருவ மாவட்டத்திலும் பிற்பகல் 2.00 மணிக்கு மேல் சில இடங்களில் மழை அல்லது இடியுடன் கூடிய மழை பெய்யக்கூடும்.
மத்திய மலைகளின் மேற்குச் சரிவுகள், வடக்கு, வடமத்திய மற்றும் வடமேற்கு மாகாணங்கள் மற்றும் ஹம்பாந்தோட்டை மாவட்டத்தில் அவ்வப்போது மணிக்கு சுமார் (30-40) கி.மீ வேகத்தில் ஓரளவு பலமான காற்று வீசக்கூடும்.
இடியுடன் கூடிய மழையின் போது தற்காலிகமாக ஏற்படும் உள்ளூர் பலத்த காற்று மற்றும் மின்னலால் ஏற்படும் சேதங்களைக் குறைக்க, பொதுமக்கள் தகுந்த முன்னெச்சரிக்கை நடவடிக்கைகளை மேற்கொள்ளுமாறு அன்புடன் கேட்டுக்கொள்ளப்படுகிறார்கள்.
காற்று: காற்று தென்மேற்கு திசையில் வீசும். காற்றின் வேகம் மணிக்கு (30-40) கி.மீ. ஆக இருக்கும். காங்கேசன்துறையிலிருந்து மன்னார் வழியாக புத்தளம் வரையிலும், ஹம்பாந்தோட்டையிலிருந்து பொத்துவில் வரையிலும் உள்ள கடலோரப் பகுதிகளில் காற்றின் வேகம் அவ்வப்போது மணிக்கு (50-60) கி.மீ. வரை அதிகரிக்கக்கூடும்.
புத்தளத்திலிருந்து கொழும்பு மற்றும் காலி வழியாக ஹம்பாந்தோட்டை வரையிலும், காங்கேசன்துறையிலிருந்து திருகோணமலை வரையிலும் உள்ள கடலோரப் பகுதிகளில் காற்றின் வேகம் அவ்வப்போது மணிக்கு 50 கி.மீ. வரை அதிகரிக்கக்கூடும்.
கடலின் நிலை: காங்கேசன்துறை, புத்தளம், கொழும்பு, காலி மற்றும் ஹம்பாந்தோட்டை வழியாக திருகோணமலையிலிருந்து பொத்துவில் வரை உள்ள கடலோரப் பகுதிகளில் அவ்வப்போது சீற்றம் காணப்படும். தீவைச் சுற்றியுள்ள மற்ற கடல் பகுதிகள் மிதமானதாக இருக்கலாம்.
மன்னார் முதல் பொத்துவில் வரை புத்தளம், கொழும்பு, காலி மற்றும் ஹம்பாந்தோட்டை வழியாக உள்ள கடலோரப் பகுதிகளில் அலைகளின் உயரம் (சுமார் 2.0 – 2.5 மீ) அதிகரிக்கக்கூடும் (இது நிலப்பகுதிகளுக்குப் பொருந்தாது). இடியுடன் கூடிய மழையின் போது தற்காலிகமாக பலத்த சூறாவளிக் காற்றும், மிகவும் கொந்தளிப்பான கடலும் எதிர்பார்க்கப்படலாம்.
