இந்திய அரசாங்கத்தின் நிதி உதவியில் அமைக்கப்பட்ட யாழ்ப்பாண திருவள்ளுவர் கலாச்சார மத்திய நிலையத்தின் நம்பிக்கை பொறுப்பு நிதியத்தை ஸ்தாபிப்பதற்கு புத்தசாசன, சமய மற்றும் கலாச்சார விவகாரங்கள் அமைச்சர் அவர்கள் சமர்ப்பித்துள்ள யோசனைக்கு நேற்று முன்தினம் திங்கட்கிழமை அமைச்சரவை அங்கீகாரம் வழங்கியுள்ளது.
யாழ்ப்பாணம் திருவள்ளுவர் கலாச்சார மத்திய நிலையம் 2022.02.21 அன்று நிர்மாணிக்கப்பட்டுள்ளது.
அமைச்சரவைக் கூட்டத்தில் வழங்கப்பட்டுள்ள அங்கீகாரத்தின் பிரகாரம் யாழ்ப்பாணம் திருவள்ளுவர் கலாச்சார மத்திய நிலையத்தைப் பேணிச் செல்வதற்காகக் புரிந்துணர்வு எட்டப்பட்டது.
ஒப்பந்ததத்தின்படி, குறித்த கலாச்சார மத்திய நிலையத்தின் செயற்பாடுகள் தொடர்பாக தீர்மானமெடுப்பதற்கு ஒருங்கிணைந்த முகாமைத்துவக் குழுவொன்று நியமிக்கப்பட்டுள்ளது.
இவ் ஒப்பந்தத்தின் ஏற்பாடுகளுக்கமைய கருத்திட்ட நிர்மாணம் பூர்த்தியடைந்த பின்னர், இக்கலாச்சார மத்திய நிலையம் இலங்கை அரசாங்கத்தின் ஊடாக யாழ் மாநகர சபைக்குப் பாரப்படுத்தல் வேண்டும்.
அவ்வாறு பாரப்படுத்தப்பட்ட பின்னர், முகாமைத்துவப் பணிகளை மேற்கொள்வதற்காக நம்பிக்கைப் பொறுப்பு நிதியமொன்றை ஸ்தாபிப்பதற்கு குறித்த தரப்பினர்கள் உடன்பாடு தெரிவித்துள்ளனர்.
அதற்காக தயாரிக்கப்பட்டுள்ள நம்பிக்கைப் பொறுப்புறுதி வரைபுக்கு சட்டமா அதிபரின் ஒப்புதல் கிடைக்கப்பெற்றுள்ளது.
அதற்கமைய, யாழ்ப்பாணம் திருவள்ளுவர் கலாச்சார மத்திய நிலையத்தின் முகாமைத்துவ செயற்பாடுகளை தொடர்ந்து மேற்கொண்டு செல்வதற்கான நம்பிக்கைப் பொறுப்பு நிதியத்தைத் ஸ்தாபிப்பதற்கு புத்தசாசன, சமய மற்றும் கலாச்சார விவகாரங்கள் அமைச்சர் அவர்கள் சமர்ப்பித்துள்ள யோசனைக்கு அமைச்சரவை அங்கீகாரம் வழங்கியுள்ளது.
இதன் மூலம் இதுவரை காலமும் அரசாங்கத்தின் பிடிக்குள் தப்பி இருந்த யாழ்ப்பாண திருவள்ளுவர் கலாச்சார மத்திய நிலையம் நம்பிக்கை நிதியம் என்ற போர்வையில் புத்த சாசன அமைச்சின் கண்காணிப்புக்குள் அகப்படும் சூழல் உருவாக்கப்பட்டுள்ளது.
