உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

கிளிநொச்சியில் பரபரப்பு ; மே தின நிகழ்வில் இளைஞர் ஒருவரிடம் பொம்மைத் துப்பாக்கி மீட்பு!

இலங்கை செய்திகள் 7 மாதங்கள் முன்
58 பார்வைகள்

இன்று சர்வதேச தொழிலாளர் தினத்தை முன்னிட்டு, இலங்கைத் தமிழரசுக் கட்சியின் (ITAK) யாழ்ப்பாண மாவட்ட பாராளுமன்ற உறுப்பினர் திரு. சிவஞானம் ஸ்ரீதரன் அவர்களின் அனுசரணையில் கிளிநொச்சியில் விசேட மே தின நிகழ்வுகள் ஏற்பாடு செய்யப்பட்டிருந்தன.

கிளிநொச்சி, பணிமனை சந்திப்பில் உள்ள பசுமைப் பூங்காவில் நடைபெறவிருந்த இந்தப் பேரணியை காணொளிப் பதிவு (Video Coverage) செய்வதற்காக இளைஞர் ஒருவர் வருகை தந்திருந்தார்.

பேரணி ஆரம்பமாவதற்கு முன்னர், பாதுகாப்புப் பணியில் ஈடுபட்டிருந்த போலீசார் அங்கு வந்தவர்களின் உடமைகளைச் சோதனையிட்டனர். இதன்போது, குறித்த இளைஞரின் பையைச் சோதனையிட்ட போலீசாருக்கு அதிர்ச்சி காத்திருந்தது. அவரது பையினுள் பிளாஸ்டிக்கால் ஆன பொம்மைத் துப்பாக்கி ஒன்று இருப்பதை போலீசார் கண்டறிந்தனர்.

இதனைத் தொடர்ந்து, குறித்த இளைஞரை மேலதிக விசாரணைக்காக போலீசார் கிளிநொச்சி போலீஸ் நிலையத்திற்கு அழைத்துச் சென்றனர்.

விசாரணைக்கு அழைத்துச் செல்லப்பட்ட நபர் கிளிநொச்சி, விநாயகபுரம், இலக்கம் 187 ஐச் சேர்ந்த தமிழ்செல்வம் தமிழன் வயது 25 ஆம் திகதி என அடையாளம் காணப்பட்டுள்ளார். இவரது தந்தை வேலுசாமி தமிழ்செல்வம் ஸ்ரீதரன், தமிழரசுக் கட்சியின் தீவிர செயல்வீரர் என்பது குறிப்பிடத்தக்கது.

கிடைக்கப்பெற்ற தகவல்களின்படி: ITAK இளைஞர் பேரவையின் ஞானராஜாவின் அறிவுறுத்தலின் பேரிலேயே, நிகழ்வுகளைக் காணொளிப் பதிவு செய்ய இவர் அங்கு வந்துள்ளார்.

பல்வேறு நிகழ்வுகளைப் பதிவு செய்யும் நோக்கில் இவர் அங்கு வந்ததை ‘Live 4 Tamil’ யூடியூப் தளத்தின் உரிமையாளரும் உறுதிப்படுத்தியுள்ளார் எனினும், இந்த அசம்பாவிதச் சூழலால் குறித்த பேரணி நிகழ்வுகள் காணொளிப் பதிவு செய்யப்படவில்லை.

உயர் பாதுகாப்பு வலயங்கள் மற்றும் மக்கள் கூடும் இடங்களில் இவ்வாறான சந்தேகத்திற்குரிய பொருட்கள் கொண்டு வரப்படுவது பாதுகாப்புத் தரப்பினரிடையே பாரிய கேள்விகளை எழுப்பியுள்ளது. இது விளையாட்டுக்காக கொண்டு வரப்பட்டதா அல்லது வேறு ஏதேனும் உள்நோக்கம் கொண்டதா என்பது குறித்து போலீசார் தீவிர விசாரணைகளை முன்னெடுத்து வருகின்றனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

149 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

139 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

132 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

131 0 0