வெளியாகியுள்ள 2025 ஆம் ஆண்டுக்கான ஜி.சீ.ஈ. உயர்தரப் பரீட்சைப் பெறுபேறுகளில், யாழ்ப்பாணம் மாவட்ட மட்டத்தில் கணித மற்றும் உயிரியல் பிரிவுகளில் பருத்தித்துறை ஹாட்லிக் கல்லூரி மாணவர்கள் முதலிடங்களைப் பெற்றுச் சாதனை படைத்துள்ளனர்.
கணிதப் பிரிவில் அனுராகந்தன் விஸ்வகாந்தன் 3 ஏ சித்திகளைப் பெற்று மாவட்ட மட்டத்தில் முதலிடத்தையும், தேசிய ரீதியில் 12 ஆவது இடத்தையும் பெற்றுள்ளார். அதேவேளை உயிரியல் பிரிவில் சந்திரபாலா கதுசன் 3 ஏ சித்திகளைப் பெற்று மாவட்ட மட்டத்தில் முதலிடத்தையும், தேசிய ரீதியில் 20 ஆவது இடத்தையும் பெற்றுள்ளார்.
பொறியியல் தொழில்நுட்பப் பிரிவில் உமாபதி கிருஷாந்த் 2 ஏ, பி சித்தியைப் பெற்று மாவட்ட மட்டத்தில் இரண்டாம் இடத்தையும், தேசிய ரீதியில் 50 ஆவது இடத்தையும் பெற்றுள்ளார்.
ஹாட்லிக் கல்லூரியில் கணிதப் பிரிவில் 10 மாணவர்கள் 3 ஏ சித்திகளையும், 2 மாணவர்கள் 2 ஏ, பி சித்திகளையும் பெற்றுள்ளதுடன், உயிரியல் பிரிவில் 6 மாணவர்கள் 3 ஏ சித்திகளையும், 4 மாணவர்கள் 2 ஏ, பி சித்திகளையும் பெற்றுள்ளனர்.
வர்த்தகப் பிரிவில் 2 மாணவர்கள் 3 ஏ சித்திகளையும், கலைப் பிரிவில் ஒரு மாணவன் 3 ஏ சித்திகளையும் பெற்றுள்ளனர்.
