லண்டனில் யூத சமூகத்தினரை ஈரானுக்காக உளவு பார்த்ததாக குற்றம் சாட்டப்பட்ட இரண்டு ஈரானியர்களுக்கு எதிராக, பிரித்தானிய தேசிய பாதுகாப்புச் சட்டத்தின் கீழ் வழக்கு பதிவு செய்யப்பட்டுள்ளது.பயங்கரவாத எதிர்ப்பு பொலிஸார் நடத்திய தீவிர விசாரணையின் பேரில், வடக்கு பிஞ்ச்லி பகுதியில் உள்ள நெமத்துல்லா ஷாசவானி மற்றும் எட்ஜ்வேர் (Edgware) பகுதியில் உள்ள அலிரேசா ஃபராசாதி ஆகியோர் குற்றச்சாட்டுகளுக்கு உள்ளாக்கப்பட்டுள்ளனர்.
அவர்களது நடவடிக்கைகள் 2025 ஜூலை 9 முதல் ஆகஸ்ட் 15 வரை ஈரானிய உளவுத்துறைக்கு உதவியதாக தெரிவிக்கப்பட்டுள்ளது.
இந்நிலையில், விசாரணை தொடர்கையில் இருவர் இன்று (மார்ச் 19) வெஸ்ட்மின்ஸ்டர் நீதிமன்றத்தில் முன்னிலைப்படுத்தப்பட்டனர். பிரதி உதவி ஆணையர் விக்கி எவன்ஸ் கூறியதாவது, இந்தக் குற்றச்சாட்டுகள் மிகப் பாரதூரமானவை; பொதுமக்களின் பாதுகாப்பிற்கு அச்சுறுத்தல் விளைவிக்கும் எவரையும்சட்டம் தப்பவிடாது என்று எச்சரித்துள்ளார்.
