பாதுகாப்பு அச்சுறுத்தல் அதிகரித்துள்ள நிலையில், சவுதி அரேபியாவில் பணியாற்றும் அவசியமற்ற அரச ஊழியர்களும், அங்கு உள்ள அனைத்து பணியாளர்களின் குடும்ப உறுப்பினர்களும் நாட்டை விட்டு வெளியேறுமாறு அமெரிக்க இராஜாங்க திணைக்களம் உத்தரவிட்டுள்ளது.
கடந்த 28ஆம் திகதி முதல் ஈரானுக்கு எதிராக அமெரிக்காவும் இஸ்ரேலும் இணைந்து போர் நடவடிக்கைகளை ஆரம்பித்துள்ள நிலையில் இந்த அறிவிப்பு வெளியாகியுள்ளது.சவுதி அரேபியாவிலிருந்து வெளியேறுமாறு அமெரிக்க இராஜாங்க திணைக்களம் கட்டாய உத்தரவு பிறப்பிப்பது இதுவே முதல் முறையாகும் என தெரிவிக்கப்படுகிறது.
சவுதி அரேபியாவை குறிவைத்து ஈரான் மேற்கொள்ளும் தாக்குதல்கள் அதிகரித்துள்ள பின்னணியில் இந்த முடிவு எடுக்கப்பட்டுள்ளதாக கூறப்படுகிறது.இதற்கிடையில், அல்-கர்ஜ்பகுதியில் உள்ள குடியிருப்பு கட்டிடம் ஒன்றின் மீது ஏவுகணை விழுந்ததில் குறைந்தது இரண்டு பேர் உயிரிழந்ததாக சவுதி அதிகாரிகள் தெரிவித்துள்ளனர்.
மேலும் தலைநகர், ஒரு விமானத் தளம் மற்றும் ஒரு எண்ணெய் குதம் ஆகியவற்றை குறிவைத்து நடத்தப்பட்ட பல ஏவுகணை மற்றும் ஆளில்லா வானூர்தி தாக்குதல்களை தங்கள் பாதுகாப்பு படைகள் முறியடித்துள்ளதாகவும் அவர்கள் அறிவித்துள்ளனர்.
