ஈரானில் நிலவும் போர் பதற்றம் காரணமாக உலக சந்தையில் மசகு எண்ணெய் விலை உயர்ந்துள்ளதை அடுத்து, பாகிஸ்தான் அரசு டீசல் மற்றும் பெட்ரோல் விலைகளை சுமார் 20 சதவீதம் அதிகரித்துள்ளது.பாகிஸ்தான் பெட்ரோலிய வள அமைச்சர் அலி பர்வேஸ் மாலிக் வெளியிட்ட அறிவிப்பின்படி, நாட்டின் வரலாற்றில் பதிவான முக்கிய விலை உயர்வாக, ஒரு லீற்றர் எரிபொருள் 55 ரூபாவினால் அதிகரிக்கப்பட்டுள்ளது.
இதன்படி, ஒரு லீற்றர் பெட்ரோல் 335.86 பாகிஸ்தான் ரூபாவாகவும், டீசல் 321.17 பாகிஸ்தான் ரூபாவாகவும் நிர்ணயிக்கப்பட்டுள்ளது. இந்த விலை உயர்வு பணவீக்கத்தை மேலும் அதிகரிக்கும் எனவும், அது ஏழை மக்களை கடுமையாக பாதிக்கும் எனவும் சர்வதேச செய்திகள் தெரிவிக்கின்றன.
விலை அறிவிப்புக்கு முன்னரே லாகூர் மற்றும் கராச்சி உள்ளிட்ட நகரங்களில் எரிபொருள் நிலையங்களில் பொதுமக்கள் நீண்ட வரிசையில் காத்திருந்தனர். எரிபொருள்பதுக்குவோருக்கு எதிராக கடும் சட்ட நடவடிக்கை எடுக்கப்படும் என பிரதமர் ஷெஹ்பாஸ் ஷெரீப் எச்சரித்துள்ளார்.
இதேவேளை, மத்திய கிழக்கு பிராந்தியப் போர்ச் சூழல் காரணமாக சர்வதேச சந்தையில் மசகு எண்ணெய் விலை உயர்ந்துள்ளது. அதன்படி, பிரெண்ட் வகை மசகு எண்ணெய் பீப்பாய் ஒன்றின் விலை நேற்று ஒப்பிடுகையில் சுமார் 9 சதவீதம் உயர்ந்து, 93 அமெரிக்க டொலரைத் தாண்டியுள்ளது.
