லண்டனில் யூத சமூகத்துடன் தொடர்புடைய இடங்கள் மற்றும் தனிநபர்களை உளவு பார்த்து ஈரானின் உளவுத்துறைக்கு உதவியதாக சந்தேகத்தின் பேரில் 10 நபர்கள் பிரிட்டிஷ் பொலிஸாரால் கைது செய்யப்பட்டுள்ளனர்.உள்ளூர் நேரப்படி வெள்ளிக்கிழமை அதிகாலை 1 மணிக்குப் பின்னர் பார்னெட், வாட்ஃபோர்ட் மற்றும் ஹாரோ ஆகிய பகுதிகளில் மேற்கொள்ளப்பட்ட விசேட நடவடிக்கையின் போது ஒருவரான ஈரானிய நாட்டவரும் மூன்று இரட்டை குடியுரிமை கொண்ட பிரிட்டன்–ஈரான் குடியினரும் கைது செய்யப்பட்டதாக லண்டன் பயங்கரவாத எதிர்ப்பு காவல்துறையினர் தெரிவித்தனர்.
கைது செய்யப்பட்டவர்கள் 52, 40, 55 மற்றும் 22 வயதுடையவர்கள் எனவும், அவர்களின் இருப்பிடங்களில் மேலதிக சோதனைகள் மற்றும் விசாரணைகள் மேற்கொள்ளப்பட்டு வருவதாக லண்டன் பெருநகர பொலிஸார் தெரிவித்துள்ளனர்.மேலும், குறித்த நடவடிக்கையில் குற்றச்சாட்டுக்குரிய நபர்களுக்கு உதவி செய்ததாக சந்தேகத்தின் பேரில் மேலும் ஆறு நபர்களும் கைது செய்யப்பட்டுள்ளனர்.
இதன்படி மொத்தம் கைது செய்யப்பட்ட 10 நபர்களும் தற்போது தடுப்புக் காவலில் வைக்கப்பட்டு விசாரணைக்கு உட்படுத்தப்பட்டுள்ளனர்.ஈரானிடமிருந்து ஐக்கிய இராச்சியத்துக்கு பாதுகாப்பு அச்சுறுத்தல் நிலவுகிறது என பிரிட்டிஷ் சட்டமன்ற உறுப்பினர்களும் உள்நாட்டு உளவுத்துறையும் பல ஆண்டுகளாக எச்சரித்து வந்த நிலையில் இந்த கைது நடவடிக்கை இடம்பெற்றுள்ளதாக தெரிவிக்கப்படுகிறது.
