நேபாளத்தில் இன்று (05) பாராளுமன்றத் தேர்தல் நடைபெற்று வருகின்றது.கடந்த ஆண்டு அந்நாட்டின் பிரதமராக இருந்த கே.பி. சர்மா ஒலிக்கு எதிராக இளைஞர்கள் முன்னெடுத்த போராட்டத்தில் நூற்றுக்கும் மேற்பட்டோர் உயிரிழந்ததைத் தொடர்ந்து நிலைமை சிக்கலானதாக மாறியது. இதையடுத்து பிரதமர் தனது பதவியை இராஜிநாமா செய்தார்.
பின்னர் நாட்டை நிர்வகிக்க இடைக்கால பிரதமராக சுஷிலா கார்கி நியமிக்கப்பட்டார். இந்நிலையில் பெரும் எதிர்பார்ப்புகளுக்கு இடையே இன்று பாராளுமன்றத் தேர்தலுக்கான வாக்குப்பதிவு நடைபெற்று வருகிறது.இந்தத் தேர்தலில் நேபாள காங்கிரஸ் கட்சியின் ஷேர் பகதூர் டூபா, முன்னாள் பிரதமர் கே.பி. சர்மா ஒலி மற்றும் நேபாள கம்யூனிஸ்ட் கட்சியின் புஷ்ப கமல் தஹால் ஆகியோர் முக்கிய வேட்பாளர்களாக களமிறங்கியுள்ளனர்.
நேபாள பாராளுமன்றத்தின் கீழ்சபையில் மொத்தம் 275உறுப்பினர்கள் உள்ளனர். இவர்களில் 165 பேர் நேரடி தேர்தல் முறையிலும், 110 பேர் விகிதாசார பிரதிநிதித்துவ முறையிலும் தேர்வு செய்யப்படுகின்றனர்.
