மத்திய கிழக்கில் தீவிரமடைந்து வரும் மோதல்கள் மேலும் அமெரிக்க உயிரிழப்புகளுக்கு வழிவகுக்கக்கூடும் என்று அமெரிக்க நிர்வாகம் எச்சரித்துள்ளது.ஈரானுக்கு எதிரான மோதலில் உயிரிழந்த முதல் அமெரிக்க இராணுவ வீரர்களில் நான்கு பேரை செவ்வாய்க்கிழமை (03) அமெரிக்க இராணுவம் அடையாளம் கண்டுள்ளது. இதுவரை பதிவான ஆறு உயிரிழப்புகளில், நான்கு பேர் அமெரிக்க இராணுவ ரிசர்வ் படையைச் சேர்ந்தவர்கள் எனத் தெரிவிக்கப்பட்டுள்ளது.
போர்ட் ஷுய்பாவில் உள்ள அமெரிக்க இராணுவத் தளத்தின் மீது ஞாயிற்றுக்கிழமை நடத்தப்பட்ட ட்ரோன் தாக்குதலில் அவர்கள் உயிரிழந்ததாக தெரிவிக்கப்பட்டுள்ளது.உயிரிழந்தவர்கள் 20 முதல் 42 வயதுக்குள் உள்ளவர்கள் என்றும், அவர்கள் டெஸ் மொயின்ஸ் நகரை மையமாகக் கொண்ட பிரிவில்பணியாற்றியவர்கள் என்றும் அதிகாரிகள் தெரிவித்துள்ளனர்.
இதற்கிடையில், ஈரான் மேற்கொண்ட பதிலடி நடவடிக்கைகளில் மத்திய கிழக்கு முழுவதும் 500க்கும் மேற்பட்ட பாலிஸ்டிக் ஏவுகணைகள் மற்றும் 2,000க்கும் மேற்பட்ட ட்ரோன்கள் பயன்படுத்தப்பட்டுள்ளதாக அமெரிக்க இராணுவத்தின் மத்திய கட்டளை தெரிவித்துள்ளது. நிலைமை மேலும் பதற்றமடைந்துவருவதாக பாதுகாப்புத் தரப்புகள் எச்சரித்துள்ளன.
