ஈரான் மீதான அமெரிக்கா–இஸ்ரேல் கூட்டுத் தாக்குதலை கண்டித்து அமெரிக்காவின் பல்வேறு நகரங்களில் போராட்டங்கள் தீவிரமடைந்துள்ளதாக சர்வதேச ஊடகங்களில் தகவல்கள் வெளியாகியுள்ளன. நேற்று முன்தினம் அமெரிக்கா மற்றும் இஸ்ரேல் இணைந்து ஈரானில் இராணுவ நடவடிக்கை மேற்கொண்டதாகவும், அதில் ஈரானின் உயர் தலைவர் அயத்துல்லா அலி காமெனி மற்றும் பலர் உயிரிழந்ததாகவும் சில தகவல்கள் பரவி வருகின்றன.
எனினும், இத்தகவல்களுக்கு இதுவரை அதிகாரப்பூர்வ உறுதிப்படுத்தல் வெளியாகவில்லை.இதற்கு பதிலடி நடவடிக்கையாக, ஈரான் அமெரிக்க இராணுவ தளங்கள் உள்ள பகுதிகளை இலக்குவைத்து தாக்குதல் மேற்கொண்டதாகவும், துபாய், டோஹா, கட்டார், பஹ்ரைன், குவைத் உள்ளிட்ட மத்திய கிழக்கு பிராந்தியங்களில் பதற்ற நிலை ஏற்பட்டுள்ளதாகவும் தகவல்கள் தெரிவிக்கின்றன.
இந்த நிலையில், அமெரிக்காவின் பல நகரங்களில் போராட்டங்கள் முன்னெடுக்கப்பட்டு வருகின்றன. பாலஸ்தீன இளைஞர் இயக்கங்கள், ஜனநாயக சோசலிசவாதிகள், “Code Pink” பெண்கள் இயக்கம் மற்றும் பல சமூக அமைப்புகள் இணைந்து வார இறுதி முழுவதும் போராட்டங்களை நடத்த திட்டமிட்டுள்ளதாக தெரிவிக்கப்படுகிறது.இந்நிலையில், சம்பவங்கள் தொடர்பான அதிகாரப்பூர்வ சர்வதேச அறிவிப்புகள் வெளியாகும் வரை நிலவரம் தெளிவாக அறிய முடியாத சூழல் நிலவுகிறது.
