வேல்ஸின் சுவான்சி பகுதியைச் சேர்ந்த ஜோர்டான் டூகல் என்ற தாய், 2024 மார்ச் மாதம் தனது ஐந்து மாதக் குழந்தையான ஜென்சன்-லீயை தனது காதலன் தோமஸ் மோர்கனிடம் ஒப்படைத்துவிட்டு வேலைக்குச் சென்றிருந்தார்.அந்த நேரத்தில் கோபத்தின் பேரில் மோர்கன் குழந்தையை கடுமையாகக் குலுக்கியதாக விசாரணையில் தெரியவந்தது.
இதன் விளைவாக குழந்தையின் மூளை, முதுகுத்தண்டு மற்றும் கண்கள் தீவிரமாகப் பாதிக்கப்பட்டு, பின்னர் உயிரிழந்தது.குழந்தையை பரிசோதித்த மருத்துவ நிபுணர்கள், தாங்கள் இதுவரை கண்டவற்றில் மிகவும் கடுமையான காயங்கள் இவை என நீதிமன்றத்தில் சாட்சி அளித்தனர்.
மூளையில் ஏற்பட்ட சேதம் காரணமாக குழந்தை உடனடியாக சுயநினைவை இழந்திருக்கலாம் என்றும், இது தற்செயலான சம்பவமோ அல்லது விளையாட்டாக நிகழ்ந்ததோ அல்ல; திட்டமிட்ட மற்றும் கொடூரமான தாக்குதல் என்றும் அவர்கள் விளக்கமளித்தனர்.
29 வயதுடைய தோமஸ் மோர்கன், கடந்த 15 மாதங்களாகத் தன்னை நிரபராதி என வாதிட்டு வந்தார்.
குழந்தை வாந்தி எடுத்தபோது மூச்சுத்திணறல் ஏற்பட்டதாகவும், அதைத் தடுக்க முயன்றபோதே இச்சம்பவம் ஏற்பட்டதாகவும் அவர் தெரிவித்திருந்தார். குழந்தையின் இறுதிச்சடங்கிலும் அவர் கலந்து கொண்டிருந்தார். எனினும், 2025 ஜூலை மாதம் விரிவான மருத்துவ ஆதாரங்களின் அடிப்படையில் அவர் கைது செய்யப்பட்டார்.
சுவான்சி நீதிமன்றத்தில் நடைபெற்ற விசாரணையின் இறுதியில்மோர்கன் குற்றவாளி எனத் தீர்ப்பளிக்கப்பட்டது. அவருக்கு ஆயுள் தண்டனை விதிக்கப்பட்டதுடன், குறைந்தது 19 ஆண்டுகள் சிறையில் கழிக்க வேண்டும் என நீதிபதி உத்தரவிட்டார்.
