பிரித்தானியாவின் அண்ட்ரூ மவுண்ட்பாட்டன்-வின்ட்சர் வர்த்தகத் தூதுவராகப் பணியாற்றிய காலத்தில், மக்களின் வரிப்பணத்தை மசாஜ் சேவைகள் மற்றும் ஆடம்பரப் பயணங்களுக்கு முறையற்ற வகையில் பயன்படுத்தியதாக எழுந்துள்ள குற்றச்சாட்டுகள் பெரும் பரபரப்பை ஏற்படுத்தியுள்ளன.
இரண்டாயிரத்து ஒன்று முதல் இரண்டாயிரத்து பதினொன்று வரை அவர் மேற்கொண்ட வெளிநாட்டு பயணங்களின்போது, “மசாஜ் சேவைகளுக்காக” கோரப்பட்ட தொகை முதலில் சிவில் ஊழியர்களால் மறுக்கப்பட்டதாகவும், பின்னர் உயர் அதிகாரிகளின் தலையீட்டின் மூலம் வழங்கப்பட்டதாகவும் ஓய்வுபெற்ற அரசு ஊழியர்கள் தெரிவித்துள்ளனர்.
அவரது பயணச் செலவுகள் பல்வேறு பட்ஜெட்டுகளில் மறைக்கப்பட்டதால் முழுமையான கண்காணிப்பு சாத்தியமாகவில்லை என்றும், சில செலவுகள் முறையான ஆய்வின்றி அங்கீகரிக்கப்பட்டதாகவும் குற்றச்சாட்டுகள் முன்வைக்கப்பட்டுள்ளன. மேலும், அவர் வர்த்தகப் பிரதிநிதியாக இருந்தபோது தேவையற்ற கருத்துகள் மற்றும் நடத்தை காரணமாக சில வர்த்தக முயற்சிகள் பாதிக்கப்பட்டதாக முன்னாள் அதிகாரிகள் தெரிவித்துள்ளனர்.
இவ்வாறான குற்றச்சாட்டுகளை அவர் தொடர்ந்து மறுத்து வருகிறார். அதேவேளை, தொடர்புடைய சில விவகாரங்களிலும் அவரது பெயர் இடம்பெற்றிருப்பது குறிப்பிடத்தக்கது.இதற்கிடையில், பொது அலுவலகத்தில் முறைகேடாக நடந்து கொண்டதாக எழுந்த சந்தேகத்தின் அடிப்படையில், தேம்ஸ் வேலி காவல்துறை கடந்த வியாழக்கிழமை அவரை கைது செய்ததாக தகவல்கள் வெளியாகியுள்ளன.
வர்த்தகத் தூதுவர்களின் பொறுப்புக்கூறல் குறித்து நாடாளுமன்றக் குழு விசாரணை நடத்தவுள்ள நிலையில், இந்த விவகாரம் பிரித்தானிய அரசியலில் பெரும் அதிர்வலைகளை ஏற்படுத்தியுள்ளது.
