அமெரிக்க ஜனாதிபதி டொனால்ட் டிரம்ப் அறிவித்துள்ள 15 சதவீத உலகளாவிய இறக்குமதி வரி காரணமாக இங்கிலாந்து மற்றும் அமெரிக்கா இடையே வர்த்தக பதற்றம் நிலவி வருகிறது.ஏற்கனவே உள்ள வர்த்தக ஒப்பந்தங்களை அமெரிக்கா மதிக்காதால், அதற்குப் பதிலடி கொடுக்க தேவையான எந்த நடவடிக்கையையும் எடுக்கத் தயார் என இங்கிலாந்து எச்சரித்துள்ளது.
அமெரிக்க உச்ச நீதிமன்றம் பழைய வர்த்தக வரிகளை ரத்து செய்ததைத் தொடர்ந்து, புதிய சட்ட விதிகளின் கீழ் இந்த வரி அமல்படுத்தப்படுவதால் சர்வதேச வர்த்தகத்தில் நிச்சயமற்ற சூழல் உருவாகியுள்ளது.இங்கிலாந்தின் முக்கிய ஏற்றுமதி துறைகளில் சிலவற்றுக்கு விலக்கு வழங்கப்பட்டிருந்தாலும், இந்த வரி உயர்வு நாட்டின் பொருளாதாரத்தை பாதிக்கக்கூடும் என நிபுணர்கள் கவலை வெளியிட்டுள்ளனர்.
இதற்கிடையில், ஐரோப்பிய ஒன்றியம் தனது வர்த்தக ஒப்பந்தங்களை தற்காலிகமாக நிறுத்தி வைத்துள்ள நிலையில், அமெரிக்காவுடன் பேச்சுவார்த்தை நடத்தி தீர்வு காண இங்கிலாந்து முயற்சி மேற்கொண்டு வருவது குறிப்பிடத்தக்கது.
