திமுக தேர்தல் அறிக்கை தயாரிப்பிற்காக 4 நாட்களில் மட்டும் 52,000த்திற்கும் அதிகமான பரிந்துரைகள் மற்றும் கோரிக்கைகளை மக்கள் அளித்துள்ளனர். 2026 சட்டமன்றத் தேர்தலுக்கான தி.மு.க தேர்தல் அறிக்கை மும்முரமாக தயாரிக்கப்பட்டு வருகிறது.
தேர்தல் அறிக்கை தயாரிப்புக்குழுவிற்கு தலைமை தாங்கியுள்ள கழக துணைப் பொதுச்செயலாளர் கனிமொழி எம்.பி, தி.மு.கவின் தேர்தல் அறிக்கையை, மக்கள் விரும்பும் அறிக்கையாக தயாரிக்க முழு மூச்சில் செயற்பட்டு வருகிறார்.
அதற்காக கடந்த ஜன.3 அன்று சென்னை அண்ணா அறிவாலயத்தில் தி.மு.கழகத் தலைவர், முதலமைச்சர் மு.க.ஸ்டாலின், பொதுமக்களின் கருத்துக்களையும் பரிந்துரைகளையும் பெறும் வகையிலான தொலைபேசி எண், நுண்ணறிவு வலைவாசல் (portal) ஆகியவற்றை அறிமுகம் செய்து வைத்தார்.அதன் அடிப்படையில் கடந்த 4 நாட்களில் (ஜன.6 மாலை 6.30 வரை) பொதுமக்களிடம் இருந்து சுமார் 52 ஆயிரம் பரிந்துரைகளும், கோரிக்கைகளும் பெறப்பட்டுள்ளன.
