2026 ஆம் ஆண்டில் இலங்கை 3 மில்லியன் சுற்றுலாப் பயணிகளை இலக்காகக் கொண்டுள்ளதாக இலங்கை அரசாங்கத்தின் ஒரு உயர் அதிகாரி ஒருவர் இன்று (05) தெரிவித்துள்ளது.கடந்த ஆண்டு 2.36 மில்லியனாக இருந்த இந்த எண்ணிக்கை, வருவாயை அதிகரிக்கவும், டித்வா சூறாவளியிலிருந்து மீள்வதற்கு ஆதரவளிக்கவும் நாடு முயற்சிப்பதால் இது ஒரு சாதனையாகும்.
கடந்த ஆண்டை விட 27% அதிக சுற்றுலாப் பயணிகளின் வருகை இலக்கு, நவம்பர் மாத இறுதியில் தீவு நாட்டைத் தாக்கி 645 பேர் உயிரிழந்த டித்வா சூறாவளியிலிருந்து இலங்கையர்கள் மீள்வதற்கு உதவும் என்று வெளியுறவு மற்றும் சுற்றுலா அமைச்சர் விஜித ஹேரத் தெரிவித்தார்.
உலக வங்கியின் மதிப்பீடுகளின்படி, இலங்கையில் பெய்த கன மழை மற்றும் நூற்றுக்கணக்கான நிலச்சரிவுகள் 110,000க்கும் மேற்பட்ட வீடுகளை சேதப்படுத்தியதுடன், முக்கிய வீதிகள், ரயில் பாதைகள் மற்றும் பாலங்கள் என 4.1 பில்லியன் டொலர் சேதத்தை ஏற்படுத்தியுள்ளன.2026 ஆம் ஆண்டில் 3.1% என கணிக்கப்பட்ட வளர்ச்சி, டிசம்பரில் சர்வதேச நாணய நிதியத்தால் (IMF) 2.9% ஆகக் குறைக்கப்பட்டது.
இலங்கையுடனான 2.9 பில்லியன் டொலர் விரிவாக்கப்பட்ட நிதி வசதித் திட்டத்தின் ஐந்தாவது மீளாய்வினை நடத்த சர்வதேச நாணய நிதியப் பிரதிநிதிகள் குழு இந்த மாதம் கொழும்புக்கு வருவார்கள் என்று எதிர்பார்க்கப்படுகிறது.
இந்த நிலையில் அமைச்சரின் இந்தக் கருத்து வந்துள்ளது.இதேவேளை, கடந்த ஆண்டு 126 திட்டங்களில் இருந்து 329 மில்லியன் டொலர்களை ஈர்த்த பின்னர், 2026 ஆம் ஆண்டில் சுற்றுலாத் துறையில் சுமார் 500 மில்லியன் டொலர் முதலீட்டை இலங்கை எதிர்பார்க்கிறது என்று இலங்கை சுற்றுலா அபிவிருத்தி அதிசார சபையின் தலைவர் புத்திக ஹேவாவசம் தெரிவித்துள்ளார்.
