உள்ளடக்கத்திற்குச் செல்க
நவம்பர் 2026
17 செவ்வாய்
4210 பேர் இப்போது பார்க்கின்றனர்

கஸ்ஸப்ப தேரருக்கு நாளை வரை விளக்கமறியல்

இலங்கை செய்திகள் 11 மணி நேரம் முன்
80 பார்வைகள்

பலாங்கொடை கஸ்ஸப்ப தேரரை நாளை செவ்வாய்க்கிழமை வரை திருகோணமலை விளக்கமறியல் சிறைச்சாலையில் தடுத்து வைக்குமாறும், நாளை மீளவும் அவரை மன்றில் முன்னிலைப்படுத்துமாறும் திருகோணமலை நீதிவான் நீதிமன்ற நீதிபதி எம்.எஸ்.எம்.சம்சுடீன் இன்று திங்கட்கிழமை உத்தரவு பிறப்பித்துள்ளார்.

நேற்று அனுராதபுரம் சிறைச்சாலையிலிருந்து அழைத்து வரப்பட்டிருந்த கஸ்ஸப்ப தேரர், நேற்றிரவு திருகோணமலை விளக்கமறியல் சிறைச்சாலையில் தடுத்து வைக்கப்பட்டிருந்த நிலையில் இன்று திருகோணமலை நீதிவான் நீதிமன்றில் முன்னிலைப்படுத்தப்பட்டார்.

இன்றைய தினம் வழக்கு விசாரணைக்கு எடுத்துக்கொள்ளப்பட்டபோது, தேரர் சில தினங்களுக்கு முன்னர் இந்த மன்றையும், நீதிபதியையும் அவமதிக்கும் வகையில் ஊடகங்கள் முன்பாகக் கருத்துக்களை வெளியிட்டுள்ளார் என்றும், அதன் மூலம் அவர் நீதிமன்ற அவமதிப்பை மேற்கொண்டுள்ளார் என்றும் தீர்மானம் வழங்குமாறும் கோரி திருகோணமலை சட்டத்தரணிகள் சங்கத்தினர் இடையீட்டு மனுவொன்றை மன்றில் முன்வைத்துக் கோரிக்கை விடுத்தனர்.

திருகோணமலை கடற்கரை சட்டவிரோத புத்தர் சிலை விவகாரம் தொடர்பான வழக்கில், தேரருக்குத் திருகோணமலை மேல் நீதிமன்றம் வழங்கியுள்ள பிணை விடுவிப்பு நிபந்தனைகள் இரண்டை அவர் மீறியுள்ளார் என்றும், எனவே அவருக்கு வழங்கப்பட்ட பிணை அனுமதி இரத்துச் செய்யப்பட்டு இடைநிறுத்தப்பட வேண்டும் என்றும் திருகோணமலைத் துறைமுகப் பொலிஸ் நிலையப் பொறுப்பதிகாரி மன்றில் கோரிக்கை விடுத்தார்.

இதேவேளை, கஸ்ஸப்ப தேரர் தமது தரப்பில் நீதிபதியின் அனுமதியுடன் மன்றுக்குத் தாமே நேரடியாகக் கருத்துகளை முன்வைத்தார்.

சட்டத்தரணிகள் சங்கம், பொலிஸார் மற்றும் தேரர் ஆகிய அனைத்துத் தரப்பினரின் வாதங்களையும் செவிமடுத்த திருகோணமலை நீதிவான், முன்வைக்கப்பட்ட விடயங்கள் தொடர்பில் நாளை தீர்மானம் ஒன்றை வழங்குவதாக அறிவித்து வழக்கை நாளை வரை ஒத்திவைத்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

சரித் அபேசிங்கவின் ஆடம்பர சொத்துக்கள் முடக்கம்!

ஒழுங்கமைக்கப்பட்ட குற்றக்கும்பல் உறுப்பினருடன் தொடர்புடைய இலஞ்ச ஊழல் வழக்கில், குற்றஞ்சாட்டப்பட்டுள்ள சரித் அபேசிங்கவுக்குச் சொந்தமான ஆடம்பர சொத்துக்களை முடக்குவதற்கான நடவடிக்கைகள் எடுக்கப்பட்டுள்ளதாக இலஞ்சம் அல்லது ஊழல் குற்றச்சாட்டுகளை…

89 0 0
இலங்கை செய்திகள்

15 இலட்சம் பெறுமதியான போ@தைப் பொருளுடன் பெண் ஒருவர் கைது!

கொழும்பில் இருந்து பொதிகள் போக்குவரத்து சேவை நிறுவனம் மூலம் மொனராகலை பகுதியில் உள்ள வீடொன்றுக்கு மிகவும் சூட்சுமமான முறையில் பயணப் பையொன்றில் பொதி செய்து அனுப்பப்பட்ட, 15…

88 0 0
இலங்கை செய்திகள்

யாழில். இளைஞர்களுக்கு இடையே மோதல் : கத்தரிக்கோலால் தாக்கப்பட்ட இளைஞன் ப@லி!

யாழ். அச்சுவேலி பொலிஸ் பிரிவுக்குட்பட்ட அச்சேலு பூலசிற்றி பகுதியில் நேற்றிரவு சுமார் 10 மணியளவில் இரு இளைஞர்களுக்கிடையில் ஏற்பட்ட மோதலைத் தொடர்ந்து இளைஞர் ஒருவர் உயிரிழந்துள்ளார். குறித்த…

88 0 0
இலங்கை செய்திகள்

காணிப் பிரச்சினைக்குத் தீர்வு காணாமல் உற்பத்திப் பொருளாதாரத்தை மேம்படுத்த முடியாது!

வடக்கு, கிழக்கு மாகாணங்களில் நீண்டகாலமாகத் தொடரும் காணிப் பிரச்சினைக்குத் தீர்வு காணப்படாமல் உற்பத்திப் பொருளாதாரத்தை வெற்றிகரமாக முன்னெடுக்க முடியாது என நாடாளுமன்றத்தில் வலியுறுத்தப்பட்டுள்ளது. வடக்கு, கிழக்கு மக்களின்…

59 0 0