முல்லைத்தீவு மாவட்ட உதைபந்தாட்ட சம்மேளனத்தின் அனுமதியுடன், அளம்பில் இளந்தென்றல் விளையாட்டுக்கழகத்தினால் நடாத்தப்பட்ட அமரர் லூயிஸ் மிக்கேற்பிள்ளை நினைவுக்கிண்ண உதைபந்தாட்டச் சுற்றுத்தொடரின் இறுதிப்போட்டி 01.11.2026 நேற்று அளம்பில் இளந்தென்றல் விளையாட்டுக்கழக மைதானத்தில் இடம்பெற்றது.
இந்நிகழ்வில் பிரதம விருந்தினராக வன்னி மாவட்ட நாடாளுமன்ற உறுப்பினர் துரைராசா ரவிகரன் பங்கேற்றார்.
அந்தவகையில் குறித்த இறுதிப்போட்டியில் வட்டுவாகல் உதயசூரியன் விளையாட்டுக்கழகமும், செம்மலை உதயசூரியன் விளையாட்டுக்கழகமும் மோதின.
இந்நிலையில் வட்டுவாகல் உதயசூரியன் விளையாட்டுக்கழகம் 2:0 என்ற கோல் கணக்கில் வெற்றியீட்டி, 2026ஆம் ஆண்டிற்கான அமரர் லூயிஸ் மிக்கேற்பிள்ளை நினைவுக்கிண்ணத்தை தமதாக்கிக்கொண்டனர்.
மேலும், இதன்போது கற்றல் செயற்பாடுகளிலும், ஏனைய துறைகளிலும் சாதித்தவர்களுக்கான மதிப்பளிப்புக்களும் இதன்போது இடம்பெற்றமை குறிப்பிடத்தக்கது.
