உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

2016 ஹட்டன் நகர அபிவிருத்தித் திட்டத்தை உடனடியாக நடைமுறைப்படுத்த கோரிக்கை

இலங்கை செய்திகள் 3 மாதங்கள் முன்
149 பார்வைகள்

2016ஆம் ஆண்டில் நாடாளுமன்றத்தில் அங்கீகரிக்கப்பட்ட 500 மில்லியன் ரூபா பெறுமதியான ஹட்டன் நகர அபிவிருத்தித் திட்டத்தை உடனடியாக நடைமுறைப்படுத்துமாறு, புதிய தொழிலாளர் முன்னணியின் பொதுச் செயலாளரும் மத்திய மாகாண சபையின் முன்னாள் உறுப்பினருமான முரளி ரகுநாதன் கோரிக்கை விடுத்துள்ளார்.

இது தொடர்பில் ஜனாதிபதி அனுர குமார திஸாநாயக்கவுக்கு அனுப்பியுள்ள கடிதத்திலேயே அவர் இந்தக் கோரிக்கையை முன்வைத்துள்ளார்.

ஹட்டன் நகரில் பல்வேறு அபிவிருத்தித் திட்டங்களை முன்னெடுப்பதற்காக 2016ஆம் ஆண்டு 500 மில்லியன் ரூபா நிதி ஒதுக்கீடு அங்கீகரிக்கப்பட்ட போதிலும், இதுவரை குறித்த திட்டம் நடைமுறைப்படுத்தப்படவில்லை என முரளி ரகுநாதன் தெரிவித்துள்ளார்.

குறிப்பாக ஹட்டன் நகர பேருந்து நிலையம், அதனைச் சுற்றியுள்ள வீதிகள் மற்றும் ஏனைய அத்தியாவசிய உட்கட்டமைப்பு வசதிகளை மேம்படுத்த வேண்டிய அவசரத் தேவை காணப்படுவதாகவும் அவர் சுட்டிக்காட்டியுள்ளார்.

பல ஆண்டுகளாக இப்பிரச்சினைகள் தீர்க்கப்படாமல் இருப்பதால் ஹட்டன் மக்கள் பெரும் சிரமங்களை எதிர்நோக்கி வருவதாகவும், அபிவிருத்தித் திட்டம் நடைமுறைப்படுத்தப்படும் என எதிர்பார்த்திருந்த மக்களிடையே தற்போது ஏமாற்றமும் அதிருப்தியும் ஏற்பட்டுள்ளதாகவும் அவர் தெரிவித்துள்ளார்.

எனவே, இந்த விடயத்தை ஜனாதிபதி தனிப்பட்ட முறையில் கவனத்தில் கொண்டு, எவ்வித தாமதமுமின்றி ஹட்டன் நகர அபிவிருத்தித் திட்டத்தை ஆரம்பித்து நடைமுறைப்படுத்துவதற்குத் தேவையான அறிவுறுத்தல்களை சம்பந்தப்பட்ட அதிகாரிகளுக்கு வழங்க வேண்டும் என முரளி ரகுநாதன் கோரிக்கை விடுத்துள்ளார்.

மேலும், ஹட்டன் மக்களின் நலனைக் கருத்திற்கொண்டு ஜனாதிபதி இவ்விடயத்தில் உடனடி நடவடிக்கை எடுப்பார் என தாம் நம்புவதாகவும் அவர் தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

138 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0