உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பிள்ளையான் உட்பட மூவருக்கு தொடர்ந்தும் விளக்கமறியல்.!

இலங்கை செய்திகள் 3 மாதங்கள் முன்
191 பார்வைகள்

கடந்த 2008ஆம் ஆண்டு மட்டக்களப்பு பகுதியில் ‘ரி-56’ (T-56) ரகத் துப்பாக்கியால் சுட்டு 5 பேர் படுகொலை செய்யப்பட்ட சம்பவம் தொடர்பில் கைது செய்யப்பட்டுள்ள முன்னாள் இராஜாங்க அமைச்சர் சிவநேசதுரை சந்திரகாந்தன் (பிள்ளையான்) உள்ளிட்ட மூவரின் விளக்கமறியலை எதிர்வரும் செப்டம்பர் மாதம் 15ஆம் திகதி வரை நீடித்து மட்டக்களப்பு நீதவான் நீதிமன்ற பதில் நீதவான் இன்று செவ்வாய்க்கிழமை (01) உத்தரவிட்டுள்ளார்.

2008ஆம் ஆண்டு மட்டக்களப்பு – கல்லடி பகுதியில் பொலிஸ் உத்தியோகத்தர் ஒருவர் உட்பட இருவர் சுட்டுக்கொல்லப்பட்டமை, காத்தான்குடியில் டி.எம்.வி.பி (TMVP) கட்சியின் உறுப்பினர் உட்பட இருவர் சுட்டுக்கொல்லப்பட்டமை மற்றும் வவுணதீவு கரையாக்கன்தீவு பகுதியைச் சேர்ந்த வர்த்தகர் ஒருவர் கடத்தப்பட்டு கொடூரமான முறையில் படுகொலை செய்யப்பட்டமை ஆகிய 5 தொடர் கொலைச் சம்பவங்கள் தொடர்பிலேயே இந்த வழக்கு விசாரணைகள் முன்னெடுக்கப்பட்டு வருகின்றன.

இக் குற்றச்சாட்டுகள் தொடர்பாக, ஏற்கனவே 2025ஆம் ஆண்டு ஏப்ரல் மாதம் பயங்கரவாதத் தடைச் சட்டத்தின் கீழ் கைது செய்யப்பட்ட பிள்ளையான் என அழைக்கப்படும் தமிழ் மக்கள் விடுதலைப் புலிகள் கட்சியின் தலைவரும் முன்னாள் இராஜாங்க அமைச்சருமான சிவநேசதுரை சந்திரகாந்தன், மற்றும் இராணுவ புலனாய்வுப் பிரிவின் தகவலாளிகளான காத்தான்குடியைச் சேர்ந்த முகமட் சிபான், முகமட் சகீத் ஆகியோரை 2025ஆம் ஆண்டு நவம்பர் மாதம் குற்றப்புலனாய்வுத் திணைக்களத்தினர் (CID) முறைப்படி கைது செய்தனர்.

இதனைத் தொடர்ந்து, குறித்த படுகொலை சம்பவங்களுடன் தொடர்புடைய பிள்ளையான், இராணுவ புலனாய்வுத் தகவலாளிகளான முகமட் சிபான், முகமட் சகீத் மற்றும் தற்போது லண்டனில் தலைமறைவாக உள்ள காத்தான்குடியைச் சேர்ந்த முகம்மது பாய்ஸ் ஆகிய 4 சந்தேகநபர்களுக்கு எதிராக குற்றப்புலனாய்வுத் திணைக்களத்தினர் கடந்த 2026ஆம் ஆண்டு ஜூன் 17ஆம் திகதி மட்டக்களப்பு நீதவான் நீதிமன்றில் வழக்குத் தாக்கல் செய்தனர்.

இவ்வழக்கு விசாரணை இன்று செவ்வாய்க்கிழமை (01) மட்டக்களப்பு நீதவான் நீதிமன்ற பதில் நீதவான் முன்னிலையில் மீண்டும் எடுத்துக்கொள்ளப்பட்ட போது, விளக்கமறியலில் வைக்கப்பட்டுள்ள பிள்ளையான், முகமட் சிபான் மற்றும் முகமட் சகீத் ஆகிய மூவரும் சிறைச்சாலையிலிருந்து இணையவழி (Zoom) காணொளி ஊடாக நீதிமன்றில் ஆஜர்படுத்தப்பட்டனர்.

இதன்போது சந்தேகநபர்கள் மூவரையும் எதிர்வரும் செப்டம்பர் மாதம் 15ஆம் திகதி வரை தொடர்ந்தும் விளக்கமறியலில் வைக்குமாறு உத்தரவிட்ட பதில் நீதவான், வழக்கை அன்றைய தினத்திற்கு ஒத்திவைத்தார்.

அதேவேளை, இவ்வழக்கின் சந்தேகநபர்களில் ஒருவரான லண்டனில் தலைமறைவாக உள்ள ‘முகம்மது பாய்ஸ்’ என்பவருக்கு எதிரான திறந்த பிடிவிறாந்தையும் (Open Warrant) நீதிமன்றம் தொடர்ந்தும் புதுப்பித்து கட்டளையிட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

138 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0