உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

சிரியாவின் முன்னாள் ஜனாதிபதிக்கு மரண தண்டனை!

உலக செய்திகள் 3 மாதங்கள் முன்
120 பார்வைகள்

திட்டமிட்ட கொலை, சித்திரவதை, தன்னிச்சையான தடுப்புக்காவல் மற்றும் மனிதகுலத்திற்கு எதிரான குற்றங்கள் உள்ளிட்ட குற்றங்களுக்காக, பதவியிலிருந்து அகற்றப்பட்ட சிரியாவின் முன்னாள் ஜனாதிபதி பஷார் அல்-அசாத் (Bashar al-Assad) மற்றும் பல முன்னாள் அதிகாரிகளுக்கு  டமாஸ்கஸில் உள்ள நீதிமன்றம் ஒன்று செவ்வாயன்று (11) மரண தண்டனை விதித்தது.

நீதிபதி ஃபக்ருதீன் அல்-ஆர்யன் தலைமையில் நடைபெற்ற இந்த விசாரணையில், குடியரசு அரசுத் தலைமை வழக்கறிஞரின் ஆலோசகர் நீதிபதி ஹசன் அல்-துர்பா, இடைக்கால நீதிக்கான தேசிய ஆணையத்தின் தலைவர் அப்துல் பாசித் அப்துல் லத்தீஃப் மற்றும் ஆணையத்தின் உறுப்பினர்கள் ஆகியோர் பங்கேற்றனர்.

சர்வதேச சட்ட மற்றும் மனிதாபிமான அமைப்புகளின் பிரதிநிதிகளும், பாதிக்கப்பட்டவர்களின் குடும்பத்தினரும் இக்கூட்டத்தில் கலந்துகொண்டனர்.

மிக உயரிய முடிவெடுக்கும் அதிகாரியாக இருந்த நிலை மற்றும் மனித உரிமை மீறல்களில் ஈடுபட்ட அரசு நிறுவனங்களை வழிநடத்தியதில் அவருக்கு இருந்த பங்கு ஆகியவற்றைக் கருத்தில் கொண்டு, மனிதாபிமானத்திற்கு எதிரான குற்றங்கள் மற்றும் பிற குற்றச்சாட்டுகளுக்காக அசாத் குற்றவாளி என்று நீதிமன்றம் தீர்ப்பளித்ததாக அல்-ஆர்யன் தெரிவித்தார்.

அதேவேளையில், ஆதேஃப் நஜிபுக்கும் நீதிமன்றம் மரண தண்டனை விதித்ததாக அல்-ஆர்யன் கூறினார்.

அல்-அசாத்தின் உறவினரான நஜிப், முன்னதாக சிரியாவின் தாரா (Daraa) நகரில் அரசியல் பாதுகாப்புப் பிரிவுத் தலைவராகப் பணியாற்றியவர் ஆவார்.

மேலும், தலைமறைவாக உள்ள மஹெர் ஹஃபெஸ் அல்-அசாத், ஃபஹத் ஜாசெம் அல்-ஃபிரெஜ், மொஹம் ஐமன் அயூஷ், லூவாய் அலி அல்-அலி, குசாய் இப்ராஹிம் மஹ்யூப், வஃபிக் சலே நாசர் மற்றும் தலால் ஃபாரெஸ் அல்-ஐசாமி ஆகியோருக்கு எதிராக நீதிபதி மரண தண்டனையை அறிவித்தார்.

முன்கூட்டியே திட்டமிட்டு வேண்டுமென்றே கொலை செய்தல் மற்றும் சித்திரவதையால் மரணம் விளைவித்தல் ஆகிய குற்றச்சாட்டுகளில் பிரதிவாதிகள் குற்றவாளிகள் என நீதிமன்றம் தீர்ப்பளித்ததாக அல்-ஆர்யன் தெரிவித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0