உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பலாலியில் 3ஆவது வாரமாகவும் போராட்டம் முன்னெடுப்பு.!

இலங்கை செய்திகள் 5 மாதங்கள் முன்
126 பார்வைகள்

பலாலி உயர்பாதுகாப்பு வலயத்துக்குள் உள்ள தங்களது பூர்வீகத் தனியார் காணிகளை உடனடியாக விடுவிக்கக் கோரி, காணி உரிமையாளர்கள் மூன்றாவது வாரமாகவும் இன்று ஞாயிற்றுக்கிழமை வீதியில் இறங்கிப் பாரிய போராட்டமொன்றை முன்னெடுத்துள்ளனர்.

பலாலிச் சந்தியில் இன்று காலை 8.30 மணி முதல் மதியம் 1.30 மணி வரை இந்த ஆர்ப்பாட்டம் இடம்பெற்றது.

இதில் கலந்துகொண்ட முதியவர்கள் மற்றும் பெண்கள் உள்ளிட்ட பாதிக்கப்பட்ட மக்கள், நீண்டகாலமாக இராணுவக் கட்டுப்பாட்டிலுள்ள தங்கள் நிலங்களை நிபந்தனையின்றி மீள வழங்குமாறு வலியுறுத்திக் கோஷங்களை எழுப்பினர்.

இன்றைய போராட்டத்தின் போது, கொளுத்தும் வெயிலில் இருந்து தங்களைப் பாதுகாத்துக் கொள்வதற்காகப் போராட்டப் பகுதியில் தற்காலிகக் கொட்டகை (பந்தல்) ஒன்றை அமைக்கப் பொதுமக்கள் முற்பட்டனர். எனினும், அங்கு குவிக்கப்பட்டிருந்த பலாலிப் பொலிஸார் பொதுமக்களைக் கொட்டகை அமைக்க விடாது தடுத்து, அதற்கு அப்பட்டமாகத் தடை விதித்தனர்.

இதன்போது பொலிஸார் கருத்துத் தெரிவிக்கையில், “வடக்கில் நீங்கள் கொட்டகை அமைத்துப் போராடினால், தெற்கிலும் மக்கள் கொட்டகை அமைத்துப் போராடத் தொடங்கிவிடுவார்கள். எனவே, இங்கு கொட்டகை அமைக்க எம்மால் அனுமதிக்க முடியாது” எனக் கூறியுள்ளனர். பொலிஸாரின் இந்த விசித்திரமான பதிலால் போராட்டக் களத்தில் சில நிமிடங்கள் பெரும் பரபரப்பும், மக்கள் மத்தியில் கடும் அதிருப்தியும் ஏற்பட்டது.

எனினும், பொலிஸாரின் தடையையும் மீறி, கடுமையான வெயிலுக்கு மத்தியிலும் மக்கள் ஐந்து மணித்தியாலங்களுக்கும் மேலாக வீதியில் அமர்ந்து தங்களது நீதிக்கான போராட்டத்தைத் தொடர்ந்து முன்னெடுத்திருந்தமை குறிப்பிடத்தக்கது.

இந்தப் போராட்டத்தில் இலங்கைத் தமிழரசுக் கட்சியின் பொதுச்செயலாளரும் முன்னாள் நாடாளுமன்ற உறுப்பினருமான ஜனாதிபதி சட்டத்தரணி எம்.ஏ. சுமந்திரனும் பங்கேற்றிருந்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

138 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0